Frumsýning á Elskhuganum eftir Pinter. Aðeins 5 sýningar


Leikfélag Kópavogs frumsýnir leikritið Elskhugann eftir Harold Pinter, sunnudaginn 26. okt. kl. 20.00.

Harold Pinter er eitt af áhrifamestu leikskáldum samtímans og hlaut meðal annars Nóbelsverðlaunin í bókmenntum árið 2005. Eins og mörg verka hans er Elskhuginn margslungið verk. Það fjallar um samband hjóna sem lifa óvenjulegu hjónabandi svo ekki sé meira sagt og hefur af sumum verið lýst sem dramatískri kómedíu.

Leikstjóri er Örn Alexandersson og Arnfinnur Daníelsson og Anna Margrét Pálsdóttir leika. Aðeins verða 5 sýningar á leikritinu sem sýnt er í Leikhúsinu, Funalind 2. Aðrir sem taka þátt i uppsetningunni eru Sigrún Tryggvadóttir aðstoðarleikstjóri, Skúli Rúnar Hilmarsson hannar lýsingu, Þorleifur Eggertsson sér um leikmynd og Hörður Sigurðarson um hljóð.

Hægt er að panta miða með því að senda póst á midasala@kopleik.is eða hringja í síma 554-1985. Sýningin tekur rúma klukkustund í flutningi og miðaverð er 2.000 kr. Nánar er hægt að fræðast um sýninguna á vef félagsins www.kopleik.is.

Leikstjóri er Örn Alexandersson og Arnfinnur Daníelsson og Anna Margrét Pálsdóttir leika.

Leikstjóri er Örn Alexandersson og Arnfinnur Daníelsson og Anna Margrét Pálsdóttir leika.