Ný tónlistarhátíð í Kópavogi tilnefnd til tónlistarverðlauna

Tónlistarhátíðin CYCLE, Music and Art Festival, sem fram fór í Kópavogi sl. sumar er tilnefnd til íslensku tónlistarverðlaunanna fyrir að vera tónlistarviðburður ársins. Hátíðin er ný og er henni stýrt af ungu tónlistarfólki í samstarfi við Kópavogsbæ. Hún fór að mestu fram í menningarhúsum bæjarins, m.a. í Salnum og Gerðarsafni, en einnig voru viðburðir í Gamla Kópavogsbænum og Gamla Hælinu. Hátíðin var mjög vel sótt og fékk góða dóma.

Nú er verið að undirbúa næstu CYCLE hátíð sem mun fara fram í október í Kópavogi á þessu ári. „Hátíðin er til marks um þær nýju slóðir sem við erum að feta í menningarstarfi í bænum og samræmist vel nýrri menningarstefnu, sem hvetur okkur til að blanda saman mismunandi listgreinum, nýta vel nálægð ólíkra menningarhúsa, starfa með ungu listafólki og fara með listina út í almenningsrými,“ útskýrir Arna Schram, forstöðumaður menningarmála í Kópavogi.

Hátíðin leiddi saman stórstjörnur úr listaheiminum eins og Ólaf Elíasson, Gjörningaklúbbinn og Simon Steen-Andersen og rísandi stjörnur eins og Eyvind Gulbrandsen, strengjasveitina Skark og slagverkstríóið Pinquins. Auk fjárframlags úr lista- og menningarsjóði hlaut hátíðin fjölmarga erlenda styrki.

Í rökstuðningi dómnefndar um hátíðina segir: „Afar metnaðarfull og spennandi listahátíð þar sem sjónum var beint að tengslum tónlistar, hljóðlistar, gjörningalistar, myndlistar og arkitektúrs í samtímanum. Hátíðin átti í frjóu samtali við áhorfendur og gesti og var flutningur í hæsta gæðaflokki. Á meðal fjölmargra magnaðra viðburða sem þar áttu sér stað má nefna þverfaglega tónlistargjörninginn Mirror’s Tunnel, samstarsverkefni Ólafs Elíassonar myndlistarmanns, tónskáldsins Páls Ragnars Pálssonar og strengjasveitarinnar Skark, hljóðgöngu Christinu Kubisch og verkið Diptych eftir Þráin Hjálmarsson tónskáld og myndlistarmanninn Sigurð Guðjónsson.”

Stjórnendur hátíðarinnar eru: Guðný Guðmundsdóttir, Fjóla Dögg Sverrisdóttir og Tinna Þorsteinsdóttir.

Deildu:

Facebook
Twitter
Pinterest
LinkedIn

Fleiri fréttir

Grindvíkingar í Kópavogsbúið

Ásdís Kristjánsdóttir, bæjarstjóri Kópavogs, afhenti Fannari Jónassyni, bæjarstjóra Grindavíkur lykla að íbúðum í gamla Kópavogsbúinu við hátíðlega viðhöfn miðvikudaginn 10. júlí en íbúðirnar verða til afnota fyrir eldra fólk úr

Guðmundur Ingi Guðbrandsson, formaður VG og félags- og vinnumarkaðsráðherra.

Ert þú í tengslum?

Aðsent Ert þú í tengslum? Guðmundur Ingi Guðbrandsson, formaður VG og félags- og vinnumarkaðsráðherra. Félagsleg einangrun er vaxandi vandamál í nútímasamfélagi og rannsóknir sýna að til mikils er að vinna

Pikka upp dósir í Kópavogi

Nú geta íbúar Kópavogs sem vilja styrkja iðkendur íþróttafélaga með dósapening skráð sig á Pikka.is og látið iðkendur koma eftir pöntun að sækja hjá sér dósirnar. Hér áður fyrr var það algengt

Niðurlagning Héraðsskjalasafns Kópavogs

Skaðræðisgjörningur bæjarstjórnar Kópavogs Bæjarstjórn Kópavogs ákvað á fundi sínum 25. apríl 2023 með sex atkvæðum meirihlutans gegn fimm atkvæðum minnihlutans að leggja niður Héraðsskjalasafn Kópavogs. Þar fetaði bæjarstjórnin í slóð