Ráðin verkefnastjóri stefnumótunar og lýðræðisumbóta


Anna Klara Georgsdóttir.

Anna Klara Georgsdóttir.

Anna Klara Georgsdóttir hefur verið ráðin verkefnastjóri stefnumótunar og lýðræðisumbóta hjá Kópavogsbæ.  Hún hefur starfað sem verkefnastjóri velferðarsviðs Kópavogsbæjar síðan í janúar 2014.

Starf verkefnastjóra stefnumótunar og lýðræðisumbóta er nýtt hjá Kópavogsbæ.  Verkefnastjóri mun stýra  stefnumótunarvinnu Kópavogsbæjar, leiða stefnumótun bæjarstjórnar og leiðbeina stjórnendum við stefnumótun sviða, deilda og stofnana bæjarins.

Verkefnastjórinn skipuleggur jafnframt starf hverfaráða og undirbýr þátttöku íbúa við ráðstöfun fjármagns vegna fjárfestinga í hverfum bæjarins í íbúakosningu.

Anna Klara Georgsdóttir lauk M.Sc. prófi í mannauðsstjórnun og vinnusálfræði frá Háskólanum í Reykjavík árið 2013. Hún nam áður sálfræði við Háskóla Íslands og lauk framhaldsgráðu í klassískum söng við Royal Scottish Academy of Music and Drama í Glasgow.