280 garðlöndum úthlutað í ár.


uppskera7

 

Kópavogsbær hefur um langt árabil leigt út matjurtagarða, sk. garðlönd, og er sú starfsemi á vegum garðyrkjustjóra. Hvert garðland er 25 m2 að stærð og leigugjald er 4.200 kr. sumarið 2013. Hver leigjandi getur verið með tvo skika, þ.e. 50 m2, en skilyrði fyrir úthlutun er að eiga lögheimili í Kópavogi.

Garðlönd eru í boði á eftirfarandi stöðum:

  • Við Fossvogsbrún í Blesugróf, sunnan við Gróðrarstöðina Mörk
  • Neðan Kjarrhólma í austanverðum Fossvogsdal, í trjásafninu
  • Neðan Víðigrundar í vestanverðum Fossvogsdal, við skólagarða
  • Við Kópavogstún, neðan Sunnuhlíðar
  • Við Núpalind, ofan við leikskólann Núp
  • Við Arnarnesveg, á mótum Sala- og Kórahverfis.


Gert ráð fyrir að hægt verði að úthluta allt að 280 garðlöndum í ár.

Garðlöndin verða afhent plægð og merkt um miðjan maí, ef veður leyfir, og eins og áður verður á staðnum komið fyrir skiltum sem sýna legu garða og lista yfir leigjendur. Á öllum stöðunum er aðgangur að vatni. Jafnframt verða verkfæri, s.s. skóflur, gafflar, hrífur, vatnskönnur og hjólbörur, á staðnum fyrstu vikurnar, þó ekki sé hægt að tryggja að alltaf verði nóg fyrir alla.

Hægt er að sækja um garðland í íbúagátt.