Aðalsteinn Jónsson íþróttakennari og núverandi bæjarfulltrúi býður sig fram í annað sæti á framboðslista Sjálfstæðisflokksins í Kópavogi þann 8. febrúar 2014.
„Ég ætla áfram að hlúa að málefnum barna og eldri borgara í bænum. Ég vil líka beita mér fyrir því að bæta kjör fólks þ.e. þeirra sem lægst hafa launin og huga að réttlátara og ekki síst sanngjarnara samfélagi. Sem núverandi formaður Leikskólanefndar í bænum og mikill áhugamaður um íþróttir og heilsubætandi lífsstíl mun ég leggja mikla áherslu á áframhaldandi uppbyggingu á þessum sviðum“.
