Aðventuhátíð í Kópavogi

Aðventuhátíð í Kópavogi verður haldin 28. og 29. nóvember með jóladagskrá fyrir alla fjölskylduna. 

Hátíðin er að þessu sinni á nýjum stað, á túninu fyrir aftan menningarhúsin og verður einnig dagskrá í menningarhúsunum laugardag og sunnudag. 

Tendrað verður á jólatréinu klukkan fjögur á laugardegi og slegið upp jólaballi með söng og leik. Jólasveinarnir og jólakötturinn líta í heimsókn og jólaandinn svífur yfir vötnum á jólamarkaði. 

Dagskrá aðventuhátíðarinnar við menningarhúsin hefst klukkan eitt laugardaginn 28. nóvember. Þá opnar markaðurinn  Hönnun og handverk í Kópavogi í Gerðarsafni og jólamarkaður á túni menningarhúsanna. Bragi Valdimar Skúlason kemur í jólaheimsókn í Bókasafn Kópavogs og ræðir um jólasveina og nýju plötuna sína. Jólakötturinn rekur inn nefið í Náttúrufræðistofu Kópavogs og á Bókasafn Kópavogs.

Adventa2014_3Klukkan fjögur hefst svo aðventudagskrá á túninu við menningarhúsin. Þá tendra sendiherra Svíþjóðar, Bosse Hedberg og Ármann Kr. Ólafsson bæjarstjóri Kópavogs á jólatréinu, sem er gjöf frá vinabæ Kópavogs í Norrköping í Svíþjóð. Hrói Höttur, Gilli gríslingur og fleiri úr Leikhópnum Lottu kynna dagskrána. Skólahljómsveit Kópavogs spilar jólalög. Jólaball, söngur og gleði með gestum sem eru óvenju snemma á ferð! 

Hinn árlegi laufabrauðsdagur er í félagsmiðstöð aldraðra í Gjábakka og hefst dagskráin þar klukkan eitt, laugardaginn 28. nóvember, með laufabrauðsgerð og opnun handverksmarkaðar. Seldar eru veitingar og boðið upp á margvísleg skemmtiatriði í Gjábakka.

Eins og venja er opna listamenn í Hamraborg og Auðbrekku dyr sínar gestum og gangandi í tengslum við aðventuhátíðina. Opið hús verður hjá þeim á laugardeginum frá eitt.

Sunnudaginn 29. nóvember verður boðið upp á jólaorigami í Bókasafni Kópavogs og listasmiðju í Gerðarsafni. Þá verður jólaleikritið Ævintýrið um Augastein sýnt í Salnum klukkan fimm.

Deildu:

Facebook
Twitter
Pinterest
LinkedIn

Fleiri fréttir

Niðurlagning Héraðsskjalasafns Kópavogs

Skaðræðisgjörningur bæjarstjórnar Kópavogs Bæjarstjórn Kópavogs ákvað á fundi sínum 25. apríl 2023 með sex atkvæðum meirihlutans gegn fimm atkvæðum minnihlutans að leggja niður Héraðsskjalasafn Kópavogs. Þar fetaði bæjarstjórnin í slóð

Hrönn Valgeirsdóttir, leikskólakennari og M.A. í foreldrafræðslu og uppeldisráðgjöf.

Mikill áhugi á fræðslukvöldum fyrir foreldra

Foreldrum og forsjáraðilum leikskólabarna í Kópavogi stendur til boða að mæta á fræðslukvöld þar sem fjallað er um uppeldishætti, að setja mörk og ábyrgð og líðan foreldra. Fyrsti fundurinn var

Stórskemmtileg leiksýning fyrir yngstu kynslóðina

Leikfélag Kópavogs sýnir um þessar mundir barnaleikritið Ferðin til Limbó eftir Ingibjörgu Jónsdóttur (1953-1986) sem sett var upp í Þjóðleikhúsinu í janúar 1966. Leikritið byggir á barnabókinni Músabörn í geimflugi eftir sama

Er svefn besta verkjalyfið?

Svefn er ein af grunnstoðum góðrar heilsu ásamt góðri næringu, hreyfingu og vellíðan. Þegar við sofum notar líkaminn tímann til að endurnýja sig og undirbúa okkur fyrir næsta dag. Svefn