Aðfaranótt mánudags var brotist inn hjá Mæðrarstyrksnefnd í Fannborg. Þetta er í annað sinn á skömmum tíma sem brotist er inn í húsnæði nefndarinnar. Síðast var þónokkuð af peningum stolið og matarmiðum. Eftir það innbrot hefur verklagi hjá Mæðrarstyrksnefnd verið brett þannig að aldrei er neitt fémætt geymt í húsnæðinu. Þjófurinn – eða þjófarnir – gripu því í tómt.
„Ég kom í gær eins og venjulega á mánudögum til að pakka brauði og leit inn á skrifstofu. Þar var allt út um allt. Búið var að taka úr öllum skápum og fara í skúffur, brjóta upp glugga á skrifstofunni og fara inn um hliðahurð. Við lærðum á síðasta innbroti að geyma ekkert fémætt hjá okkur svo engu var stolið. En aðkoman var ekki góð,“ segir Anna Kristinsdóttir, formaður Mæðrarstyrksnefndar Kópavogs.
Nefndin hefur starfað um árabil í Kópavogi og segjast Mæðrarstyrksnefndarkonur ekkert að vera að fara úr Fannborgini þrátt fyrir tíð innbrot að undanförnu. „Það er greinilega mjög veikt fólk sem gerir svona lagað sem fær vonandi hjálp,“ varð einum viðmælenda okkar að orði.
Styrktarreikningur Mæðrarstyrksnefndar í Kópavogi er:
Kt. 500197-2349
Banki 0536- 26- 403774
