Allt á fullu í unglingavinnunni.

Auðun Georg Ólafsson

27/06/2013

Það er varla til það beð á opnu svæði í Kópavogi sem unglingar á vegum Vinnuskóla Kópavogs láta sig ekki varða.  Nú er allt komið á fullt við að hirða skólalóðir, opin svæði og göngustíga.  Um 65 hópar ásamt flokkstjórum láta hendur standa fram úr ermum út um allan bæ.  Oft eru þetta fyrstu kynni unglinga að launaðri vinnu og réttindum sínum á vinnumarkaði.  Að sögn Sigurðar Grétars Ólafssonar, forstöðumanns, er Vinnuskóli Kópavogs sá fyrsti á landinu til að setja laun unginga sem hlutfall af lágmarkslaunum og fylgja launaþróun í landinu.  „Þetta var eitthvað sem var samþykkt einróma í bæjarstjórn á sínum og tíma og var mikið framfaraskref.  Vinna unglingana er ekki síður mikilvæg en þeirra fullorðnu,“ segir Sigurður Grétar og bætir því við að ekki er of seint að skrá sig fyrir þá sem verða 14 – 17 ára á árinu.  Það er gert á síðunni:  http://vinnuskoli.wordpress.com/

Það voru fáir að slóra og næla sér í blund þegar við kíktum á hópana að störfum í Snælandinu á dögunum. Allir á fullu og með hrífurnar á lofti.

Vinnuhópurinn Hrífan í Snælandinu.