Árshlutauppgjör Kópavogsbæjar

Rekstrarafgangur samstæðu Kópavogsbæjar er 655 milljónir króna á fyrri hluta árs 2017 en áætlun gerði ráð fyrir 160 milljón króna halla. 280 milljóna króna gjaldfærslu vegna lífeyrisskuldbindinga þurfti að gera í kjölfar samkomulags sveitarfélaga við ríkið sem ekki lá fyrir við gerð fjárhagsáætlunar. Afkoman er því 1,1 milljarða króna betri en fjárhagsáætlunin gerði ráð fyrir. Ástæða mismunarins er einkum að skatttekjur eru heldur hærri en reiknað var með, verðbólga lægri  og að bókuð tekjufærsla vegna lóðaúthlutana var ekki á áætlun.

Þetta kemur fram í árshlutareikningi Kópavogs fyrir 1. janúar til 30. júní 2017 sem lagður var fram í bæjarráði Kópavogs í dag, 7. september.

„Rekstur Kópavogsbæjar gengur vel, ekki hafa verið tekin lán vegna framkvæmda eins og nýju íþróttahúsi, færanlegum kennslustofum við Kársnesskóla eða vegna kaupa á nýju húsnæði undir bæjarskrifstofur Kópavogs. Við vitum líka að við erum í hámarki hagsveiflunnar og lítum svo á að áfram þurfi að gæta aðhalds í rekstri.“ segir Ármann Kr. Ólafsson bæjarstjóri Kópavogs.

Skuldahlutfall bæjarins heldur áfram að lækka, það var 148% síðustu áramót og lækkar enn frekar á þessu ári ef svo heldur fram sem horfir, segir í tilkynningu frá Kópavogsbæ.

Samkvæmt uppgjörinu hafa vaxtaberandi skuldir lækkað um tvo milljarða þrátt fyrir að verðtryggð lán hafi hækkað á fyrri árshelming vegna verðbólgu. Þá hækkuðu lífeyrisskuldbindingar um 2.198 milljónir króna.

Þess má geta að á fyrri helmingi árs falla um 48%-49% af skatttekjum ársins en hins vegar stærri hluti útgjalda á ákveðnum sviðum.

Rekstrarniðurstaða samstæðu fyrir fjármagnsliði, afskriftir og lífeyrisskuldbindingar var jákvæð um 2.642 milljónir króna. Þetta þýðir að framlegðarhlutfall samstæðu var rúmlega 18% en í reglum frá eftirlitsnefnd um fjármál sveitarfélaga er gert ráð fyrir að framlegðarhlutfallið sé á bilinu 15-20%.

Deildu:

Facebook
Twitter
Pinterest
LinkedIn

Fleiri fréttir

Þúsundir íbúða í nýjum lífsgæðakjarna í Kópavogi

Áform um uppbyggingu hjúkrunarrýma og íbúða á Gunnarshólma Loftmynd af svæðinu Bæjarráð Kópavogs hefur samþykkt að vísa áfram til samþykktar bæjarstjórnar drögum að viljayfirlýsingu við Aflvaka þróunarfélag um uppbyggingu 5.000

Kársnesskóla skipt í tvo skóla

Kársnesskóla verður skipt upp í tvo sjálfstæða skóla á skólaárinu 2024 til 2025 samkvæmt tillögu menntasviðs Kópavogsbæjar sem samþykkt hefur verið í bæjarstjórn Kópavogs. Lagt er til að skólanum verði

Jólatónleikar Samkórs Kópavogs

Samkór Kópavogs syngur inn aðventuna á sínum árlegu jólatónleikum sunnudaginn 3. desember n.k. Tónleikarnir verða í Digraneskirkju og hefjast kl. 17:00. Einsöngvari með kórnum að þessu sinni er tenórsöngvarinn Gunnar