Bjart fram undan, hefjum störf

Ólafur Þór Gunnarsson, þingmaður VG í Kraganum.

Í liðinni viku hleypti ríkisstjórnin í samvinnu við sveitarfélögin af stað verkefninu Hefjum störf. Verkefnið er viðbót við fyrri úrræði ríkisstjórnar Katrínar Jakobsdóttur til að mæta atvinnuleitendum. Með átakinu er áformað að til verði allt að 7 þúsund störf, og að til átaksins verði varið allt að 5 milljörðum króna.

Verkefnið felst í því að fyrirtækjum, félagasamtökum, sveitarfélögum og stofnunum verður gert auðveldara að ráða fólk til starfa í ný störf.  Styrkir  með hverjum starfsmanni geta numið allt að 472 þúsundum með hverju starfi á hverjum mánuði í 6 mánuði, og skilyrtir við að ráðið sé fólk sem hefur verið í atvinnuleit í a.m.k. 12 mánuði. Sveitarfélögin geta svo ráðið fólk sem er að tæma rétt sinn til atvinnuleysisbóta og fá stuðning til þess.  Með þessu er komið til móts við þann stækkandi hóp sem annað hvort er að detta út af atvinnuleysisbótum, eða hefur klárað rétt sinn til tekjutengdra bóta.

Þetta er skynsamleg leið til að grípa þá sem hafa lengst verið atvinnulausir, og misstu  vinnu vegna Covid. Þetta bætist við þær hækkanir atvinnuleysisbóta sem hafa verið gerðar  á kjörtímabilinu.  Tímasetningin er einnig skynsamleg, því með henni má gera ráð fyrir að saman nái viðspyrna samfélagsins í kjölfar bólusetninga og fjölgun starfa vegna þess og átakið. Þannig er þess vænst að þegar landið opnast og störf skapast aftur vegna þess muni stuðningur vegna átaksins smám saman hverfa.

Þessi aðgerð mun skipta heimili atvinnuleitenda miklu máli, enda er sköpun starfa fyrst og síðast fyrir þau sem hafa lengst verið utan vinnumarkaðar. Stuðningurinn með hverju starfi er umtalsvert hærri en lægstu atvinnuleysisbætur, og þannig tryggt að hagur þeirra sem fá störf mun vænkast verulega.

Okkur hefur gengið vel í faraldrinum, það hefur tekist með góðri samstöðu þjóðarinnar. Það er mikilvægt að við höldum út, og klárum þetta verkefni saman. Bólusetningar eru komnar áleiðis og þegar líður á sumarið verður vonandi meginhluti landsmanna bólusettur. 

Nú hækkar sól á lofti og dagurinn lengist. Við sjáum fyrir endann á faraldrinum. Aðgerðir ríkis og sveitarfélaga, í samvinnu við atvinnulífið, munu blása því lífi í samfélagið sem nauðsynlegt er.

Deildu:

Facebook
Twitter
Pinterest
LinkedIn

Fleiri fréttir

Niðurlagning Héraðsskjalasafns Kópavogs

Skaðræðisgjörningur bæjarstjórnar Kópavogs Bæjarstjórn Kópavogs ákvað á fundi sínum 25. apríl 2023 með sex atkvæðum meirihlutans gegn fimm atkvæðum minnihlutans að leggja niður Héraðsskjalasafn Kópavogs. Þar fetaði bæjarstjórnin í slóð

Hrönn Valgeirsdóttir, leikskólakennari og M.A. í foreldrafræðslu og uppeldisráðgjöf.

Mikill áhugi á fræðslukvöldum fyrir foreldra

Foreldrum og forsjáraðilum leikskólabarna í Kópavogi stendur til boða að mæta á fræðslukvöld þar sem fjallað er um uppeldishætti, að setja mörk og ábyrgð og líðan foreldra. Fyrsti fundurinn var

Stórskemmtileg leiksýning fyrir yngstu kynslóðina

Leikfélag Kópavogs sýnir um þessar mundir barnaleikritið Ferðin til Limbó eftir Ingibjörgu Jónsdóttur (1953-1986) sem sett var upp í Þjóðleikhúsinu í janúar 1966. Leikritið byggir á barnabókinni Músabörn í geimflugi eftir sama

Er svefn besta verkjalyfið?

Svefn er ein af grunnstoðum góðrar heilsu ásamt góðri næringu, hreyfingu og vellíðan. Þegar við sofum notar líkaminn tímann til að endurnýja sig og undirbúa okkur fyrir næsta dag. Svefn