Einstök innsýn í innra líf manneskju í geðrofi

Leikfélagið Óríon frumsýnir leikritið Ó, fagra veröld eftir Anthony Neilson þann 22. ágúst næstkomandi. Sýningar verða í leikhúsi Leikfélags Kópavogs að Funalind 2 í Kópavogi. Leikstjórn er í höndum Önnu Írisar Pétursdóttur. Með uppsetningunni rætist langþráður draumur leikfélagsins, enda hefur sýningin verið á radar félagsins síðan árið 2013.

Ó, fögru veröld mætti lýsa sem einskonar fullorðins útgáfu af Lísu í Undralandi. Við fylgjum Lísu Jónsdóttur í gegnum heimsókn hennar til ævintýralandsins Sundralands þar sem allt getur gerst. Hún er stödd í þessari undra veröld í  leit að klukkustund sem hún hefur glatað. Í leitinni rekst Lísa á fjölda skrautlegra persóna í ennþá skrautlegri aðstæðum en fljótt fær áhorfandinn á tilfinninguna að ekki sé allt með felldu. Ó, fagra veröld veitir okkur einstaka innsýn inn í innra líf manneskju í geðrofi. Verkið fjallar af mikilli nærgætni um efnið, og  sérstaklega má benda á að áherslan er höfð á innra líf Lísu en ekki á ytra umhverfið. Áhorfendur fá því tækifæri til að upplifa það sem hún er að upplifa.

Áhugaverð og fersk umfjöllun verksins um geðrof er hluti af því sem dró leikhópinn að því. Markmið Leikfélagsins Óríon er að sýna í öllum sínum verkum fjölbreytileika mannkynsins. Hópurinn leggur sérstaklega áherslu á jaðarhópa sem hafa hingað til ekki fengið pláss í sviðsljósinu.

Leikfélagið Óríon var stofnað 2012 af Önnu Írisi Pétursdóttur sem þá var menntaskólanemi. Leikfélagið er sjálfstætt starfandi og er opið öllu ungu fólki sem hefur áhuga á leiklist og öðru því sem við kemur uppsetningu leikverka.

Hægt er að fylgjast Leikfélaginu Óríon á Facebook og einnig á Instagram. Hér er hlekkur á viðburð sýningarinnar:

Deildu:

Facebook
Twitter
Pinterest
LinkedIn

Fleiri fréttir

Grindvíkingar í Kópavogsbúið

Ásdís Kristjánsdóttir, bæjarstjóri Kópavogs, afhenti Fannari Jónassyni, bæjarstjóra Grindavíkur lykla að íbúðum í gamla Kópavogsbúinu við hátíðlega viðhöfn miðvikudaginn 10. júlí en íbúðirnar verða til afnota fyrir eldra fólk úr

Guðmundur Ingi Guðbrandsson, formaður VG og félags- og vinnumarkaðsráðherra.

Ert þú í tengslum?

Aðsent Ert þú í tengslum? Guðmundur Ingi Guðbrandsson, formaður VG og félags- og vinnumarkaðsráðherra. Félagsleg einangrun er vaxandi vandamál í nútímasamfélagi og rannsóknir sýna að til mikils er að vinna

Pikka upp dósir í Kópavogi

Nú geta íbúar Kópavogs sem vilja styrkja iðkendur íþróttafélaga með dósapening skráð sig á Pikka.is og látið iðkendur koma eftir pöntun að sækja hjá sér dósirnar. Hér áður fyrr var það algengt

Niðurlagning Héraðsskjalasafns Kópavogs

Skaðræðisgjörningur bæjarstjórnar Kópavogs Bæjarstjórn Kópavogs ákvað á fundi sínum 25. apríl 2023 með sex atkvæðum meirihlutans gegn fimm atkvæðum minnihlutans að leggja niður Héraðsskjalasafn Kópavogs. Þar fetaði bæjarstjórnin í slóð