Eintóm vandræði í bæjarstjórn Kópavogs.

Arnþór Sigurðsson, stjórnarmaður VG í Kópavogi.
Arnþór Sigurðsson, stjórnarmaður VG í Kópavogi.

Það er óhætt að segja að meirihlutinn í Bæjarstjórn Kópavogs sé komin í tilvistarkreppu ef það er hægt að tala um meirihluta. Húsnæðismál bæjarskrifstofunnar er meirihlutanum svo erfið að það er sagt að hann hangi varla saman í einu herbergi lengur en nauðsynleg þörf er á. Um það er rætt að gera breytingar á öllum nefndum bæjarins, sérstaklega þar sem uppreisnarmenn í meirihlutanum sitja. Það eru þeir sem vildu ekki í norðurturn Smáralindarinnar með bæjarskrifstofurnar. Það á að einangra þessa aðila þannig að þeir hafi hvergi í bæjarkerfinu oddaatkvæði í neinum málum. Það er búið að vera kalt hjá okkur á landinu í vetur en vorið er farið að gera vart við sig eins og flestir hafa tekið eftir, en kulið er enn til staðar í meirihlutanum í bæjarstjórninni og ekki neitt vor þar í augsýn.

Málið um húsnæði bæjarskrifstofunnar hófst allt eins og það ætlar að enda, bæjarstjórinn okkar opnar tékkheftið og ætlar að kaupa húsnæði með fyrirvara um samþykki bæjarstjórnar.

Í fyrra skiptið átti að kaupa í norðurturni Smáralindarinnar þrjár hæðir fyrir 1.5 milljarð. Í það skiptið var slegið  á puttana á bæjarstjóranum og málinu frestað. Við frestunina hófst mjög merkilegt ferli og má hrósa meirihlutanum fyrir þá vegferð sem farin var. Menn tóku á þetta lýðræðisleg vinnubrögð, allir vinna saman. Það voru gerðar vandaðar skýrslur af lærðu fólki um bestu leiðir um framtíð bæjarskrifstofunnar. Þá var skipaður sérstakur starfshópur til þess að fara yfir skýrslurnar og skoða málin frá öllum hliðum. Þá voru kallaði saman um 24 íbúar bæjarins, valdir af handahófi til þess að leggja mat á málið. Síðan var haldinn opinn íbúafundur sem var mjög vel skipulagður í alla staði. Fyrir þetta ferli má hrósa meirihlutanum af því að það var mjög lýðræðislegt og vandað í alla staði. Að lokum var haldinn fundur í bæjarstjórn og kosið var um hvað skyldi gera. Í stuttu máli sagt var hætt við að kaupa í norðurturni Smáralindar en ákveðið að gera upp núverandi húsnæði í Fannborg. Var það mikill meirihluti bæjarfulltrúa sem kaus með þessari tillögu sem var lögð fram af bæjarstjóranum sjálfum.

Nú er komin fram ný tillaga um kaup á Digranesvegi 1. Blekið er varla þornað á tillögunni um að gera upp Fannborgina, þegar bæjarstjórinn vill kaupa Digranesveg 1. Þrátt fyrir átta mánaða vinnu fjölmargra aðila í þessu máli og samþykkt í bæjarstjórn um gera upp Fannborgina þá gerir bæjarstjórinn eitthvað allt annað. Það er í raun mjög merkilegt að þessi tillaga skuli koma fram af því að rökin fyrir tilboðinu í norðurturninum í fyrra skiptið voru meðal annars þau að Hamraborgarsvæðið væri ekki heppilegur staður fyrir bæjarskrifstofurnar og óheppilegt sé að vera í mörgum byggingum. Digranesvegur 1. rúmar ekki alla starfsemi bæjarskrifstofunnar og verður starfsemin í 2-3 húsum áfram. Það má segja að allt sé komið á haus í þessu máli og menn gera alls ekki það sem þeir samþykkja. Öll rök eru orðin að andhverfu sinni í þessu máli.

Það er von að fólk verði ruglað á þessari hegðun af því að hún er í meira lagi mjög undarleg. Nú eru komnar fram þrjár ólíkar tillögur frá sama aðila. Ein um kaup í norðurturni Smáralindar, ein um að gera Fannborgina upp og ein um að kaupa Digranesveg 1. Að öllum líkindum samþykkir meirihlutinn nýjustu tillöguna af því að andinn er svo þungur í mönnum og má meirihlutinn ekki við fleiri áföllum í bili ef hann á að endast næstu tvö árin. Nú taka menn þátt meira af meðvirkni en ekki skynsemi svo að ekki sjóði uppúr.

Deildu:

Facebook
Twitter
Pinterest
LinkedIn

Fleiri fréttir

Niðurlagning Héraðsskjalasafns Kópavogs

Skaðræðisgjörningur bæjarstjórnar Kópavogs Bæjarstjórn Kópavogs ákvað á fundi sínum 25. apríl 2023 með sex atkvæðum meirihlutans gegn fimm atkvæðum minnihlutans að leggja niður Héraðsskjalasafn Kópavogs. Þar fetaði bæjarstjórnin í slóð

Hrönn Valgeirsdóttir, leikskólakennari og M.A. í foreldrafræðslu og uppeldisráðgjöf.

Mikill áhugi á fræðslukvöldum fyrir foreldra

Foreldrum og forsjáraðilum leikskólabarna í Kópavogi stendur til boða að mæta á fræðslukvöld þar sem fjallað er um uppeldishætti, að setja mörk og ábyrgð og líðan foreldra. Fyrsti fundurinn var

Stórskemmtileg leiksýning fyrir yngstu kynslóðina

Leikfélag Kópavogs sýnir um þessar mundir barnaleikritið Ferðin til Limbó eftir Ingibjörgu Jónsdóttur (1953-1986) sem sett var upp í Þjóðleikhúsinu í janúar 1966. Leikritið byggir á barnabókinni Músabörn í geimflugi eftir sama

Er svefn besta verkjalyfið?

Svefn er ein af grunnstoðum góðrar heilsu ásamt góðri næringu, hreyfingu og vellíðan. Þegar við sofum notar líkaminn tímann til að endurnýja sig og undirbúa okkur fyrir næsta dag. Svefn