Gangandi í forgangi á gatnamótum Borgarholtsbrautar og Urðarbrautar

Ný umferðaljós og merkingar við gatnamót Borgarholtsbrautar og Urðarbrautar hafa verið tekin í notkun. Öryggi vegfarenda var haft að leiðarljósi við framkvæmdina en foreldrar á Kársnesi hafa óskað eftir auknu umferðaröryggi gangandi á þessum gatnamótum þar sem þau eru í gönguleið skólabarna.

Með breytingunum eru það gangandi vegfarendur sem eiga forganginn á gatnamótunum en ekki ökutæki, en um gatnamótin fer mikill fjöldi gangandi og hjólandi vegfarenda meðal annars á leið í og úr skóla sem fyrr sagði en einnig í Sundlaug Kópavogs.

Gangandi eiga þess kost nú að ganga þvert yfir gatnamótin og stytt þannig leið sína í stað þess að þurfa að fara fyrst yfir eina götu og svo aðra. Rautt ljós er á alla umferð ökutækja á meðan gangandi fara yfir gatnamótin. Um er að ræða nýjung á Íslandi en þetta fyrirkomulag er vel þekkt erlendis.

Kross hefur verið málaður á götuna sem bæði leiðbeinir gangandi um hvaða leið þeir eiga að fara og lífgar upp á umhverfi gatnamótana. Þá eru fótspor máluð á krossinn til að skýra enn frekar fyrir vegfarendum hvernig þeir eiga að labba yfir.

Krossinn er málaður með sérstöku „nonslip“ efni sem inniheldur kvars. Lítilsháttar tíma tekur fyrir efnið að slípast til og ná fullu viðnámi en samkvæmt framleiðanda hefur þetta efni reynst vel á Norðurlöndunum og er mikið nýtt þar án vandræða. Efnið uppfyllir Evrópu staðla EN-1871 og EN-1436 fyrir yfirborðsmerkingar og viðnám og er sérstaklega hannað þar sem búast má við bif- og reiðhjóla umferð.

Deildu:

Facebook
Twitter
Pinterest
LinkedIn

Fleiri fréttir

Niðurlagning Héraðsskjalasafns Kópavogs

Skaðræðisgjörningur bæjarstjórnar Kópavogs Bæjarstjórn Kópavogs ákvað á fundi sínum 25. apríl 2023 með sex atkvæðum meirihlutans gegn fimm atkvæðum minnihlutans að leggja niður Héraðsskjalasafn Kópavogs. Þar fetaði bæjarstjórnin í slóð

Hrönn Valgeirsdóttir, leikskólakennari og M.A. í foreldrafræðslu og uppeldisráðgjöf.

Mikill áhugi á fræðslukvöldum fyrir foreldra

Foreldrum og forsjáraðilum leikskólabarna í Kópavogi stendur til boða að mæta á fræðslukvöld þar sem fjallað er um uppeldishætti, að setja mörk og ábyrgð og líðan foreldra. Fyrsti fundurinn var

Stórskemmtileg leiksýning fyrir yngstu kynslóðina

Leikfélag Kópavogs sýnir um þessar mundir barnaleikritið Ferðin til Limbó eftir Ingibjörgu Jónsdóttur (1953-1986) sem sett var upp í Þjóðleikhúsinu í janúar 1966. Leikritið byggir á barnabókinni Músabörn í geimflugi eftir sama

Er svefn besta verkjalyfið?

Svefn er ein af grunnstoðum góðrar heilsu ásamt góðri næringu, hreyfingu og vellíðan. Þegar við sofum notar líkaminn tímann til að endurnýja sig og undirbúa okkur fyrir næsta dag. Svefn