Stórsöngvarinn Geir Ólafsson ætlar sér stóra hluti í sveitarstjórnarkosningunum í vor. Hann skipar 2. sæti á lista Miðflokksins og óháðra í Kópavogi en fyrsta sæti listans skipar Karen Elísabet Halldórsdóttir, bæjarfulltrúi. Una María Óskarsdóttir, fyrrum varaþingmaður Miðflokksins og Framsóknarflokksins, skipar það þriðja.
Í 1. maí kaffiboði Miðflokksins, sem fram fór í höfuðstöðvum flokksins í Hamraborg, ræddu frambjóðendur við gesti og gangandi og kynntu helstu áherslumál sín. Að sjálfsögðu tók Geir Ólafs lagið Summer Wind með Frank Sinatra með skemmtilegum texta í anda kosninganna sem eru framundan.
