Giuseppe Verdi boðið í afmælisveislu í Salnum

!cid_image003_png@01CF184A

Óp-hópurinn og Vonarstrætisleikhús þeirra Vigdísar Finnbogadóttur og Sveins Einarssonar efndu til mikillar söngveislu í Salnum í Kópavogi föstudaginn 8. nóvember síðastliðinn í tilefni af því að í ár eru liðin 200 ár frá fæðingu eins ástsælasta tónskálds allra tíma, Giuseppe Verdis. Sýningin gekk glimrandi vel og verður hún því endursýnd þann 24. janúar kl. 20:00 í Salnum.

Fluttar verða aríur, dúettar, terzettar og kvartettar úr óperum Verdis m.a. úr La traviata, Simon Boccanegra, Kvöldi á Sikiley, Il trovatore, Valdi örlaganna, Don Carlos, Aidu, Othello og Grímudansleiknum, Nabucco og að auki atriði úr Sálumessu tónskáldsins.

Söngvarar: Bylgja Dís Gunnarsdóttir, Egill Árni Pálsson, Erla Björg Káradóttir, Hörn Hrafnsdóttir, Jóhanna Héðinsdóttir, Rósalind Gísladóttir og Valdimar Hilmarsson.

Píanó: Antonia Hevesi.

Verdi: Randver Þorláksson.

Vonarstrætisleikhúsið hefur starfað í rúm fjögur ár og meðal markmiða þess er samstarf við ungt listafólk. Nýlega stóð leikhúsið þannig fyrir frásagnarleikhúsi, þar sem tveir ungir höfundar fluttu eigin texta.

leikstjóri í Salnum þetta kvöld verður Sveinn Einarsson, en Páll Ragnarsson, fyrrum ljósameistari Þjóðleikhússins og Íslensku óperunnar hannar lýsinguna.

Giuseppe Verdi hefur verið boðið í þessa afmælisveislu og stefnir allt í að hann þekkist það boð. Mun Randver Þorláksson taka á móti honum fyrir hönd hópsins. Þá er og von á óvæntum gestasöngvara.

!cid_image002_jpg@01CF184A

 

Deildu:

Facebook
Twitter
Pinterest
LinkedIn

Fleiri fréttir

Kópavogsblaðið komið út

Stolt Kópavogs eru á forsíðu Kópavogsblaðsins að þessu sinni. Karlalið Breiðabliks er komið í riðlakeppni Sambandsdeildar Evrópu eftir að hafa slegið út Struga frá Norður-Makedóníu. Blikar leika sex leiki í

Mygla hjá velferðarsviði

Velferðarsvið Kópavogsbæjar er ekki lengur með starfsemi í Fannborg 6. Slæm loftgæði eru í húsinu sem haft hefur áhrif á starfsfólk hússins og sýna nýjustu mælingar há gildi myglugróar. Því

Stuð á Hamraborg Festival

Hamraborg Festival fór fram í lok ágúst í Hamraborg og í menningarhúsunum í Kópavogi, en Hamraborg Festival er þverfagleg hátíð með sérstakri áherslu á myndlist, staðbundin verk, gjörningalist og samfélagslega

Króníkan opnar í Gerðarsafni

Veitingastaðurinn Króníkan opnaði í sumar í Gerðarsafni. Samningur við nýjan rekstraraðila var undirritaður 11.maí, á afmælisdegi Kópavogsbæjar. Bragi Skaftason og Sigrún Skaftadóttir, systkini úr Vesturbæ Kópavogs, hafa tekið reksturinn að sér