Gríðarleg endurnýjun verður á nýrri bæjarstjórn Kópavogs á þessu kjörtímabili. Af ellefu bæjarfulltrúum í bæjarstjórn koma níu nýir aðalfulltrúar inn:
Sjálfstæðisflokkurinn bætti við sig manni í bæjarstjórn í kosningunum og fékk fimm menn kjörna með 39,3% atkvæða.
Samfylking tapaði manni í kosningunum, hafði áður þrjá bæjarfulltrúa en fékk nú tvo, með 16,1% fylgi.
Björt framíð er nýr flokkur sem bauð fram og fékk 15,2% og tvo nýja menn kjörna sem ekki hafa verið áður í bæjarstjórn Kópavogs:
Framsóknarflokkurinn fékk 11,8% og einn mann kjörinn:
Vinstri-græn og félagshyggjufólk fékk 9,6% atkvæða og einn mann kjörinn:
Af ellefu manna bæjarstjórn eru því aðeins tveir bæjarfulltrúar sem setið hafa áður sem aðalfulltrúar í bæjarstjórn Kópavogs, þeir Ármann Kr. Ólafsson, oddviti Sjálfstæðisflokksins og Ólafur Þór Gunnarsson, oddviti VGF. Hinir bæjarfulltrúarnir níu koma nýir inn í bæjarstjórn.
Aðrir flokkar sem buðu fram lista; Dögun, Næst besti flokkurinn og Píratar náðu ekki inn manni.
Athygli vekur að þátttaka í kosningunum var mjög dræm, einungis 60,8% en hún var 68,8% í síðustu sveitastjórnarkosningum í Kópavogi.
Í bæjarstjórn sitja ellefu bæjarfulltrúar þannig að atkvæði sex fulltrúa mynda meirihluta. Telja má líklegt að Sjálfstæðisflokkurinn og Framsóknarflokkur myndi meirihluta, en samkvæmt heimildum Kópavogsfrétta munu oddvitar þessara flokka funda nú síðdegis um meirihlutasamstarf í Kópavogi.
