Haraldur V. Sveinbjörnsson með útgáfutónleika

Tónlistarmaðurinn Haraldur V. Sveinbjörnsson fagnar útgáfu sinnar fyrstu plötu undir nafninu Red Barnett með útgáfutónleikum í Fríkirkjunni þann 17.apríl kl.21.00. Á tónleikunum mun Haraldur leika lög af plötunni ásamt fjölda frábærra tónlistarmanna. Einnig er Haraldur fertugur þennan sama dag.

Haraldur, sem öllu jafna er kallaður Halli, er þúsundþjalasmiður í tónlist og hin síðari ár hefur hann verið í hringiðu margra af athyglisverðustu tónlistarviðburðum landsins, þótt hans hlutverk hafi á stundum verið talsvert falið. Hann útsetti tónlis Skálmaldar fyrir Sinfóníuhljómsveit Íslands, en þeir tónleikar hlutu í síðasta mánuð Íslensku tónlistarverðlaunin sem viðburður ársins. Hann hefur auk þess útsett tónlist Gunnars Þórðarssonar, Pink Floyd og Páls Óskars fyrir Sinfó svo fátt eitt sé nefnt.

Halli er lærður í klassískum tónsmíðum en er ekki einhamur í tónlist. Snemma vakti hann áhuga margra sem gítarleikari og helsti lagasmiður gruggsveitarinnar goðsagnakenndu Dead Sea Apple úr Kópavogi, sem freistaði gæfunnar í hinum stóra heimi. Hann er annar söngvara Manna ársins og tók nú nýverið við stöðu bassaleikara í hljómsveitinni Buff. Hann hefur síðustu misserin komið reglulega fram með Dúndurfréttum og Skálmöld sem hljómborðsleikari. Þá hefur Halli unnið með og útsett fyrir fjölda tónlistarmenn bæði íslenska og erlenda.

Halli er uppalinn í Kópavoginum og smitaðist af tónlistaráhuga í Skólakór Kársnes, sem hann hefur bæði útsett og samið fyrir.

Miðasala mun fara fram á tix.is og við inngang. Miðaverð er 2.500 kr.

Hljómsveitina skipa:
Finnur Beck – bassi,
Hannes Friðbjarnarson – trommur
Ásgeir Ásgeirsson – gítarar
Kjartan Guðnason – ásláttur
Daði Birgisson – hljómborð
Kristín Lárusdóttir fer fyrir strengjakvartett

Nánari upplýsingar um Red Barnett, má finna á Facebook

Einnig er hægt að panta plötuna í gegnum sömu síðu.

Deildu:

Facebook
Twitter
Pinterest
LinkedIn

Fleiri fréttir

Grindvíkingar í Kópavogsbúið

Ásdís Kristjánsdóttir, bæjarstjóri Kópavogs, afhenti Fannari Jónassyni, bæjarstjóra Grindavíkur lykla að íbúðum í gamla Kópavogsbúinu við hátíðlega viðhöfn miðvikudaginn 10. júlí en íbúðirnar verða til afnota fyrir eldra fólk úr

Guðmundur Ingi Guðbrandsson, formaður VG og félags- og vinnumarkaðsráðherra.

Ert þú í tengslum?

Aðsent Ert þú í tengslum? Guðmundur Ingi Guðbrandsson, formaður VG og félags- og vinnumarkaðsráðherra. Félagsleg einangrun er vaxandi vandamál í nútímasamfélagi og rannsóknir sýna að til mikils er að vinna

Pikka upp dósir í Kópavogi

Nú geta íbúar Kópavogs sem vilja styrkja iðkendur íþróttafélaga með dósapening skráð sig á Pikka.is og látið iðkendur koma eftir pöntun að sækja hjá sér dósirnar. Hér áður fyrr var það algengt

Niðurlagning Héraðsskjalasafns Kópavogs

Skaðræðisgjörningur bæjarstjórnar Kópavogs Bæjarstjórn Kópavogs ákvað á fundi sínum 25. apríl 2023 með sex atkvæðum meirihlutans gegn fimm atkvæðum minnihlutans að leggja niður Héraðsskjalasafn Kópavogs. Þar fetaði bæjarstjórnin í slóð