Heimildir Kópavogsblaðsins herma að heitustu karlar bæjarins ætli á herrakvöld Lions, föstudaginn 13. mars. Matseðillinn verður að hætti víkinga með þýsku ívafi og enginn annar en Logi Bergmann, fyrrverandi gjaldkeri meistaraflokks ÍK, muni flytja ræðu. Það á klárlega engum eftir að leiðast því Maggi Kjartans verður skemmtanastjóri og svo verður Svava Kristín Ingólfsdóttir með tónlistaratriði og alls konar húll um ha. Allur ágóði rennur til Rjóðursins sem er hvíldar og endurhæfingarheimili fyrir langveik og fötluð börn.
