Hluta Kópavogsskóla lokað vegna myglu

Þrálát lekavandamál hafa verið á suðurhlið Kópavogsskóla og eru rakaskemmdir frá fyrri tíð komnar í ljós en tvö ár eru síðan suðurhliðin var einangruð að utan.   Mynd: Kópavogsbær.

Hluta Kópavogsskóla verður lokað vegna myglu frá og með deginum í dag, 18. mars 2022. Nemendur í 6. og 7. bekk verða heima í dag en aðrir nemendur mæta í skólann.  

Í kjölfar lokunarinnar verður hluti Fannborgar 2, sem áður hýsti Bæjarskrifstofur Kópavogs, nýttur fyrir kennslu, líkt og gert var þegar rýma þurfti Kársnesskóla Skólagerði vorið 2017. Nemendur 6.-10. bekkjar, alls um 170 nemendur, verða í Fannborg, á 1. og 2. hæð.  

Farið var í víðtæka sýnatöku í miðálmu Kópavogsskóla eftir að mygla greindist í einni stofu í janúar síðastliðnum og lá niðurstaða sýnatökunnar fyrir síðdegis í gær.

Þrálát lekavandamál hafa verið á suðurhlið Kópavogsskóla og eru rakaskemmdir frá fyrri tíð komnar í ljós en tvö ár eru síðan suðurhliðin var einangruð að utan.  Framkvæmdir hefjast eins fljótt og auðið er og er stefnt að því að þeim verði lokið áður en skóli hefst á ný í ágúst.

Í tilkynningu frá Kópavogsbæ segir að viðgerðir munu felast í því að öll múrhúð og einangrun innanvert á suðurhlið verður fjarlægð, yfirborð steinsteypu hreinsað, einangrað og múrhúðað upp á nýtt. Jafnframt verða öll gólfefni í stofunum endurnýjuð, bæði á suðurhliðinni og þar sem vart hefur orðið við raka við skil útbyggingar á norðurhlið.  

Fundað var með starfsfólki og það upplýst um stöðu mála. Þá hafa foreldrar verið upplýstir.  

Kópavogsskóli stendur við Digranesveg 15. Í honum eru 390 börn frá 1.til 10.bekk.  

Deildu:

Facebook
Twitter
Pinterest
LinkedIn

Fleiri fréttir

Niðurlagning Héraðsskjalasafns Kópavogs

Skaðræðisgjörningur bæjarstjórnar Kópavogs Bæjarstjórn Kópavogs ákvað á fundi sínum 25. apríl 2023 með sex atkvæðum meirihlutans gegn fimm atkvæðum minnihlutans að leggja niður Héraðsskjalasafn Kópavogs. Þar fetaði bæjarstjórnin í slóð

Hrönn Valgeirsdóttir, leikskólakennari og M.A. í foreldrafræðslu og uppeldisráðgjöf.

Mikill áhugi á fræðslukvöldum fyrir foreldra

Foreldrum og forsjáraðilum leikskólabarna í Kópavogi stendur til boða að mæta á fræðslukvöld þar sem fjallað er um uppeldishætti, að setja mörk og ábyrgð og líðan foreldra. Fyrsti fundurinn var

Stórskemmtileg leiksýning fyrir yngstu kynslóðina

Leikfélag Kópavogs sýnir um þessar mundir barnaleikritið Ferðin til Limbó eftir Ingibjörgu Jónsdóttur (1953-1986) sem sett var upp í Þjóðleikhúsinu í janúar 1966. Leikritið byggir á barnabókinni Músabörn í geimflugi eftir sama

Er svefn besta verkjalyfið?

Svefn er ein af grunnstoðum góðrar heilsu ásamt góðri næringu, hreyfingu og vellíðan. Þegar við sofum notar líkaminn tímann til að endurnýja sig og undirbúa okkur fyrir næsta dag. Svefn