Jóhannes Óskar Sigurbjörnsson á Vatnsnesi hefur um nokkurt skeið hreinsað og unnið höfuðkúpur og bein dýra og skapað úr þeim listmuni undir merkjum Natural Bones Design. Gripirnir hafa vakið mikla athygli og hrifningu og nú stendur NBD fyrir sýningunni „Höfuðverk“ í Anarkíu listasal í Kópavogi 25. júlí til 16. ágúst. Þar verða sýnd verk tólf íslenskra listamanna, bæði þekktra og óþekktra, sem hafa nýtt hauskúpur af hrútum frá Natural Bones Design til að skapa listaverk. Einnig verða á sýningunni hreinar, óunnar hauskúpur frá NBD.
Listamennirnir sem eiga verk á sýningunni eru:
Aðalheiður Davíðsdóttir
Aðalsteinn Eyþórsson
Ásta R. Ólafsdóttir
Baski – Bjarni Skúli Ketilsson
Bjarni Sigurbjörnsson
Davíð Bjarnason
Elín Ósk Björnsdóttir
Guðmann Þór Bjargmundsson
Jóhannes Atli Hinriksson
Kropor Mazz
Unnur Karlsdóttir
Ziska – Harpa Einarsdóttir
Opnun sýningarinnar verður laugardaginn 25. júlí kl. 15-18 og stendur hún sem fyrr segir til 16. ágúst.
Anarkía listasalur er til húsa að Hamraborg 3 í Kópavogi (norðanmegin, aðkoma frá Skeljabrekku) og þar er opið kl. 15-18 alla daga nema mánudaga.
