Íþróttafélög sameinast um akstur

Íþróttafélögin Breiðablik, Gerpla og HK hafa sameinast um akstur á yngstu félögum sínum frá frístundaheimilum skólanna á íþróttaæfingar félaganna. Akstur hófst mánudaginn 3. september og verður þjónustan veitt, foreldrum að kostnaðarlausu, alla daga sem frístundarheimili eru opin í vetur. Tveir bílar verða á ferðinni með viðkomu á öllum frístundarheimilum bæjarins og íþróttasvæðum félaganna. Þjónustan er opin öllum börnum á leið í tómstundastarf á vegum félaga í Kópavogi óháð því hvort þau séu skráð á frístundarheimili.

Þessu metnaðarfulla verkefni er ætlað að auka samþættingu skóla og íþróttastarfs, stytta vinnudag yngstu grunnskólabarna, nýta íþróttamannvirkin enn betur og jafna aðgengi allra barna að heilbrigðu íþrótta- og æskulýðsstarfi. Auk þess sem þjónusta við foreldra mun aukast verulega mun umhverfismengun og sóun minnka með minna skutli á æfingar.

Síðustu ár hafa félögin hvert í sínu lagi og hvert með sínu sniði verið að veita þessum hópi akstursþjónustu, með mikilli fyrirhöfn og kostnaði. Félögin hafa nú, með aðstoð frá Markaðsstofu Kópavogs, sameinast um aksturinn með það að markmiði að veita enn betri þjónustu. Kópavogsbær mun styðja verkefnið en Teitur Jónasson sem einnig sér um skólaakstur fyrir Kópavogsbæ mun sjá um aksturinn.

Bæjarlína 1
	Ferð 1	Ferð 2	Ferð 3	Ferð 4
Fagrilundur	13:15	14:00	14:45	15:30
Skálaheiði	13:19	14:04	14:49	15:34
Kópavogsskóli	13:24	14:09	14:54	15:39
Kársnesskóli Vallargerði	13:27	14:12	14:57	15:42
Smárinn	13:35	14:20	15:05	15:50
Fífuhvammsvegur við Lindaskóla	13:40	14:25	15:10	15:55
Salaskóli	13:43	14:28	15:13	15:58
Kórinn	13:48	14:33	15:18	16:03
Strætóskýli við Vatnsendaskóla	13:52	14:37	15:22	16:07
Vatnsendaskóli	13:54	14:39	15:24	16:09
Bæjarlína 2
	Ferð 1	Ferð 2	Ferð 3	Ferð 4
Vatnsendaskóli	13:15	14:00	14:45	15:30
Strætóskýli við Vatnsendaskóla	13:17	14:02	14:47	15:32
Kórinn	13:21	14:06	14:51	15:36
Salaskóli	13:26	14:11	14:56	15:41
Fífuhvammsvegur við Lindaskóla	13:29	14:14	14:59	15:44
Smárinn	13:34	14:19	15:04	15:49
Kársnesskóli Vallargerði	13:42	14:27	15:12	15:57
Kópavogsskóli	13:45	14:30	15:15	16:00
Skálaheiði	13:50	14:35	15:20	16:05
Fagrilundur	13:54	14:39	15:24	16:09?