Jöfn tækifæri, traust og trúverðugleiki

Pétur Hrafn Sigurðsson, oddviti Samfylkingarinnar í Kópavogi.

Jafnaðarstefnan er sú pólitíska stefna sem hefur náð bestum árangri í heiminum. Þau samfélög þar sem jafnaðarstefnan hefur verið leiðandi mælast hæst á öllum alþjóðlegum stöðlum um efnahag, menntun og heilbrigðiskerfi til að nefna nokkra. Það eru meiri líkur á því að þér gangi vel efnahagslega í Danmörku heldur en t.d. í Bandaríkjunum, landi frelsisins.

Jafnaðarstefnan snýst ekki um að allir skuli vera jafnir, að enginn megi skara framúr. Að allir skuli hafa sömu laun óháð vinnuframlagi, að allir skuli búa í eins húsnæði. Jafnaðarstefnan snýst um að veita öllum jöfn tækifæri til að ná árangri í lífi sínu. Sjá til þess að allir geti notið menntunar óháð efnahag og stöðu í þjóðfélaginu. Sjá til þess að allir fái notið heilbrigðisþjónustu þegar nauðsyn krefur óháð efnahag. Við viljum sjá til þess að í samfélaginu til sé öryggisnet þannig að þeir sem verða fyrir áfalli vegna veikinda eða fötlunar geti lifað mannsæmandi lífi. Sjá til þess að öllum sé tryggt húsnæði á viðráðanlegu verði. Einkavæðing í skóla- og heilbrigðismálum er ekki lausnin.

Þetta er aðalatriðið í stjórnmálum á Íslandi í dag. Eini flokkurinn sem hefur barist fyrir stefnu jafnaðarmanna hér á landi er Samfylkingin. Sú barátta byggir á traustum grunni og reynslu, það skiptir máli þegar takast þarf á við miklar áskoranir í samfélaginu. Traust og trúverðugleiki stjórnmálafólks er lykilatriði í stjórnmálum, okkar fólk á Alþingi hefur staðið vaktina af kostgæfni og mun gera það áfram. Við viljum meira af slíku á Alþingi og því hvet ég alla jafnaðarmenn til að leggja okkur lið í baráttunni framundan.

 

 

Deildu:

Facebook
Twitter
Pinterest
LinkedIn

Fleiri fréttir

Kópavogsblaðið komið út

Stolt Kópavogs eru á forsíðu Kópavogsblaðsins að þessu sinni. Karlalið Breiðabliks er komið í riðlakeppni Sambandsdeildar Evrópu eftir að hafa slegið út Struga frá Norður-Makedóníu. Blikar leika sex leiki í

Mygla hjá velferðarsviði

Velferðarsvið Kópavogsbæjar er ekki lengur með starfsemi í Fannborg 6. Slæm loftgæði eru í húsinu sem haft hefur áhrif á starfsfólk hússins og sýna nýjustu mælingar há gildi myglugróar. Því

Stuð á Hamraborg Festival

Hamraborg Festival fór fram í lok ágúst í Hamraborg og í menningarhúsunum í Kópavogi, en Hamraborg Festival er þverfagleg hátíð með sérstakri áherslu á myndlist, staðbundin verk, gjörningalist og samfélagslega

Króníkan opnar í Gerðarsafni

Veitingastaðurinn Króníkan opnaði í sumar í Gerðarsafni. Samningur við nýjan rekstraraðila var undirritaður 11.maí, á afmælisdegi Kópavogsbæjar. Bragi Skaftason og Sigrún Skaftadóttir, systkini úr Vesturbæ Kópavogs, hafa tekið reksturinn að sér