Kópavogsþríþrautin á sunnudag

Frá Kópavogsþríþráutinni í fyrra.
Frá Kópavogsþríþráutinni í fyrra.

Á sunnudaginn, 18. maí, fer fram fyrsta þríþrautarmót ársins í Kópavogi. Kópavogsþríþrautin er sú þríþraut sem haldin hefur verið lengst, fyrst árið 1996 og óslitið frá 2006. Mótið er að þessu sinni íslandsmeistaramót í sprettþarut og telur einnig telur til stiga í stigakeppni íslands í þríþraut. Vegalengdir eru 400m sund, 10,4km hjól og 3,6km hlaup.

Gert er ráð fyrir að fjöldi keppenda verði á bilinu 120-160 en Kópavogsþríþrautin hefur síðustu ár verið sú þraut sem er vinsælust. Í fyrra var slegið aðsóknarmet þegar 110 manns skiluðu sér í mark.

koptri2013
Frá Kópavogsþríþrautinni í fyrra. Keppendur kasta mæðinni á Rútstunni.

Flestir af bestu þríþrautarmönnum landsins eru skráðir til leiks og verður mikið fjör á skiptisvæðinu því að þrautin er stutt og fljótustu menn eru um 36 mínútur að klára keppnina. Áhorfendur eru hvattir til að mæta í Kópavogslaug á sunnudagsmorgunn en ræst verður í 3 riðlum, þar sem 3. riðillinn er sérstakelga tileinkaður byrjendum. Hver riðill getur verið allt að 60 manns munu synda í einu á öllum 10 brautum stóru laugarinnar, og hlaupa svo niður á skiptisvæðið á Rútstúni.  Þá tekur hjólið við, þar sem hjólaðir eru þrír hringir út fyrir Kársnes og framhjá sundlauginni sem endar aftur á skiptisvæði á Rútstúni. Þar verður skipt yfir í hlaupaskó og hlaupnir þrír hringir inn Kópavogsbraut, út fyrir Sunnuhlíð niður að Kópavoginum og til baka.

Ármann Kr. Ólafsson bæjarstjóri Kópavogs mun ræsa keppnina.

Sundgarpar leggja af stað í þríþrautarkeppni.
Sundgarpar leggja af stað í þríþrautarkeppni.

1. riðll er ræstur klukkan 8:40, 2. riðill kl 9:06 og 3. riðill kl. 9:32. Gert er ráð fyrir að síðasti keppandi hafi lokið keppni klukkan 10:15. Verðlaunaafhending verður klukkan 10:30.

Fjölskyldu og unglingaþríþraut Kópavogs.

Á eftir aðalþrautinni, eða kl. 13,00 verður svo haldin fjölskyldu og ungmennaþríþraut í boði Tri.is og Þríkó.  Þá er keppt í  helmingi styttri vegalengdum eða 200 metra sundi, 6,4 km löngum hjólatúr og 1,4 km löngu hlaupi.  Þar geta fjölskyldur
tekið sig saman og klárað þrautina í sameiningu þar sem hver fjölskyldumeðlimur tekur sinn hluta hvert. Það eru engin aldurstakmörk í þessari keppni og geta liðin td. verið afi, mamma og barn eða á þann hátt sem hentar best. Þá geta ungmenni 12-16 ára klárað alla þrautina sjálf. Ekkert þátttökugjald er í fjölskylduþrautina en vegleg verðlaun
í boði.  Vegalengdir eru 200m sund, 3,6km hjól km hjól og 1,4km hlaup.

Þess ber að geta að á seinasta ári voru tvö lið sem skipuðu þrjá ættliði sem luku keppn af mikilli gleði.

Markaður og veitingar

Á meðan keppnin stendur yfir og milli þrauta verður veitingasala og markaður með notaðar og nýjar þríþrautarvörur. Þetta er kjörið tækifæri fyrir byrjendur að ná sér í það sem vantar til að stíga fyrstu skrefin í þríþraut.

Dagskrá

8:10 Tæknifundur með yfirdómara

8:40 1. Riðill ræstur

9:06.2. Riðill ræstur

9:32 3. Riðill ræstur.

10:30 Verðlaunaafhending

13:00 Ræst í fjölskylduþrautina.

Markaður og veitingasala opin frá 9:30 – 14:30

Frá verðlaunaafhendingu Kópavogsþríþrautarinnar í fyrra.
Frá verðlaunaafhendingu Kópavogsþríþrautarinnar í fyrra.

Deildu:

Facebook
Twitter
Pinterest
LinkedIn

Fleiri fréttir

Þúsundir íbúða í nýjum lífsgæðakjarna í Kópavogi

Áform um uppbyggingu hjúkrunarrýma og íbúða á Gunnarshólma Loftmynd af svæðinu Bæjarráð Kópavogs hefur samþykkt að vísa áfram til samþykktar bæjarstjórnar drögum að viljayfirlýsingu við Aflvaka þróunarfélag um uppbyggingu 5.000

Kársnesskóla skipt í tvo skóla

Kársnesskóla verður skipt upp í tvo sjálfstæða skóla á skólaárinu 2024 til 2025 samkvæmt tillögu menntasviðs Kópavogsbæjar sem samþykkt hefur verið í bæjarstjórn Kópavogs. Lagt er til að skólanum verði

Jólatónleikar Samkórs Kópavogs

Samkór Kópavogs syngur inn aðventuna á sínum árlegu jólatónleikum sunnudaginn 3. desember n.k. Tónleikarnir verða í Digraneskirkju og hefjast kl. 17:00. Einsöngvari með kórnum að þessu sinni er tenórsöngvarinn Gunnar