Helga Karolína hjá CoolCos sér um Kópavogstískuna.
Nú er tíminn þar sem árshátíðir og þorrablót eru í fullum gangi. Þá er alltaf gaman að gera sig extra sæta og fína. Mér finnst alltaf svolítið skemmtilegt að lífga upp á gráa janúar með því að bæta smá lit í augnförðunina. Hér ætla ég að sýna ykkur í nokkrum skrefum hvernig ég geri opið smokey með lit. Vonandi veitir það ykkur innblástur fyrir þorrablóts/ árshátíðar undirbúninginn.
Ég byrja á því að velja mér ljósan augnskugga sem ég ber á augnsvæðið undir augnbeinið og undir augabrúnir til að highlighta. Oftast vel ég ljósan sanseraðan lit sem gerir augun bjartari og opnari.
Því næst valdi ég dökkfjólubláan augnskugga sem ég nota í skyggingu. Ég nota flatan bursta og bý mér til “línu” við augnbeinið. Passa mig að gera línuna ekki of breiða. Einnig bar ég dökka skuggann undir augað.
Blöndun er alltaf mikilvægur þáttur í augnförðun til þess að fá sem fallegustu útkomuna. Ég er alltaf með einn hreinan förðunarbursta sem ég nota til að blanda. Þá fer ég yfir augnskuggann og blanda honum létt uppá við.
Ég notaði því næst plómulitaðan skugga og bar hann yfir skygginguna. Svartur augnblýantur fer í kringum augu.
Að lokum er alltaf fallegt að bera á svartan fljótandi eyeliner og mikinn maskara.
Munið að það er mikilvægt að vera með vel snyrtar hendur, margar sem steingleyma því. Mér finnst alltaf fallegt ef kona velur naglalakk í stíl við varalitinn eða jafnvel bara glært.
Facebook
Instagram
YouTube
RSS