Vefritið Kjarninn greinir frá því að lögð hefur verið fram tillaga í forsætisnefnd Kópavogs um að starfshlutfall bæjarfulltrúa í Kópavogi verði hækkað úr 27 prósent í 100 prósent af þingfarakaupi. Það þýðir að laun bæjarfulltrúa fara úr 170 þúsund krónum á mánuði í 630 þúsund krónur á mánuði. Samanlagður aukinn launakostnaður vegna þessarar hækkunar er rúmlega fimm milljónir króna á mánuði, eða um 61 milljón króna á ári. Breytingin á að taka gildi um næstu áramót, samkvæmt tillögunni sem Kjarninn hefur undir höndum og vísar í tölvupóst frá Ómari Stefánssyni, oddvita Framsóknarflokksins.
Ármann Kr. Ólafsson, bæjarstjóri, leggst alfarið gegn tillögunni.
Uppfært:
Samkvæmt tillögu Ómars er lagt til að starfshlutfall bæjarfulltrúa verði 100% Ekki er tekið fram hver launasetning eigi að vera. Miða eigi við almennt við þingfararkaup og að hægt verði að miða við laun annarra starfsgreina jafnvel við kennaralaun.
