Landsdómsmálið teygir anga sína til Kópavogs

Birkir Jón Jónsson, oddviti Framsóknarmanna, studdi ákæru Alþingis gegn Geir H. Haarde. Fullyrt er að það komi í bakið á honum nú þegar mynda á meirihluta með Sjálfstæðisflokknum í bæjarstjórn Kópavogs.
Birkir Jón Jónsson, oddviti Framsóknarmanna.

Birkir Jón Jónsson, oddviti Framsóknarflokksins í Kópavogi, studdi með atkvæði sínu á Alþingi, í september árið 2010, að ákæra Geir H. Haarde, fyrrverandi forsætisráðherra og formann Sjálfstæðisflokksins, fyrir Landsdóm.

Í fjölmörgum samtölum Kópavogsfrétta við sjálfstæðismenn í dag er þetta sögð vera aðal ástæða þess að Sjálfstæðisflokkurinn, með Ármann Kr. Ólafsson í broddi fylkingar, vildi í raun ekki efna til meirihlutaviðræðna við Framsóknarflokkinn í Kópavogi þrátt fyrir handsalað loforð þar um. Ármann er sagður hafa verið mikill stuðningsmaður Geirs H. Haarde.

Sjálfstæðisflokkurinn á nú í viðræðum við Bjarta framtíð um myndun meirihluta í bæjarstjórn Kópavogs.

Landsdómsmálið er geymt en ekki gleymt hjá mörgum innan Sjálfstæðisflokksins. Fyrirsögn á bloggi Halldórs Jónssonar í dag er: „Gjald fyrir Geir:“

H. Haarde kemur fram þó seint sé. Birkir Jón og Ólafur Þór munu hafa staðið að því að draga Geir Haarde fyrir Landsdóm.

Slíkt gleymist ekki svo auðveldlega þegar kemur að því að tala um meirihlutamyndanir í Kópavogi.

Allt hefur sinn tíma. Það ræður hugsanlega einhverju í hugum manna þó síðar sé hvernig fyrri gerðir manna hafa verið í pólitík.

Allar gjafir þiggja laun. Það er hugsanlega að koma gjald fyrir Geir í Kópavogi þó seint sé.

Deildu:

Facebook
Twitter
Pinterest
LinkedIn

Fleiri fréttir

Þúsundir íbúða í nýjum lífsgæðakjarna í Kópavogi

Áform um uppbyggingu hjúkrunarrýma og íbúða á Gunnarshólma Loftmynd af svæðinu Bæjarráð Kópavogs hefur samþykkt að vísa áfram til samþykktar bæjarstjórnar drögum að viljayfirlýsingu við Aflvaka þróunarfélag um uppbyggingu 5.000

Kársnesskóla skipt í tvo skóla

Kársnesskóla verður skipt upp í tvo sjálfstæða skóla á skólaárinu 2024 til 2025 samkvæmt tillögu menntasviðs Kópavogsbæjar sem samþykkt hefur verið í bæjarstjórn Kópavogs. Lagt er til að skólanum verði

Jólatónleikar Samkórs Kópavogs

Samkór Kópavogs syngur inn aðventuna á sínum árlegu jólatónleikum sunnudaginn 3. desember n.k. Tónleikarnir verða í Digraneskirkju og hefjast kl. 17:00. Einsöngvari með kórnum að þessu sinni er tenórsöngvarinn Gunnar