Lánshæfismat Kópavogs úr stöðugum í neikvæðar vegna ákvörðunar í bæjarstjórn um kaup á félagslegum íbúðum

Vegna ákvörðunar bæjarstjórnar Kópavogs þann 14. janúar síðast liðinn um kaup á 30 – 40 íbúðum og byggingu tveggja fjölbýlishúsa hefur Reitun breytt horfum lánshæfismats Kópavogs úr stöðugum í neikvæðar. Lánshæfismat er að svo stöddu óbreytt í B+, segir í skýrslu frá Reitun. Tilkynning um þetta hefur verið birt í Kauphöllinni.

kopavogur_bordfani_CMYK_300dpi

Í júlí 2013 hækkaði Reitun lánshæfismat Kópavogs úr B í B+ með stöðugum horfum. Í rökstuðningi var bent á að Kópavogur hafi fylgt vel eftir áætlunum um lækkun skulda og náð góðum tökum á fjármálastjórn sveitarfélagsins. Mat Reitunar á stöðugleika og fyrirsjáanleika höfðu einnig jákvæð áhrif á lánshæfi bæjarins.

Með samþykki bæjarstjórnar er vikið frá nýsamþykktri fjárhagsáætlun bæjarins og fyrirhugaðar fjárfestingar auknar umtalsvert. Slíkar breytingar kalla að öllu jöfnu á endurskoðun á lánshæfismati og kemur fram í uppfærslu lánshæfismats frá því í október 2013 að útgjöld og fjárfestingar umfram áætlun myndu hafa neikvæð áhrif á matið. Ákvarðanir um að víkja skyndilega og án undirbúnings frá fjárhagsáætlunum gefa einnig vísbendingar um að fjármálastjórn sveitarfélagsins sé ekki jafn stöðug og áður virtist, segir í skýrslu frá Reitun.

Áætlaður kostnaður fyrirhugaðra framkvæmda eru 3 milljarðar króna. Verði ráðist í framkvæmdirnar munu skuldir og þar með skuldahlutfall bæjarins aukast um 7-9%.  Áætlað skuldahlutfall í árslok 2013 var 206%.  Verði ráðist í framkvæmdirnar mun lánshæfi Kópavogs versna vegna aukinnar skuldsetningar í viðkvæmri stöðu, óstöðugleika og minni fyrirsjáanleika, segir í skýrslu frá Reitun.

Deildu:

Facebook
Twitter
Pinterest
LinkedIn

Fleiri fréttir

Stórskemmtileg leiksýning fyrir yngstu kynslóðina

Leikfélag Kópavogs sýnir um þessar mundir barnaleikritið Ferðin til Limbó eftir Ingibjörgu Jónsdóttur (1953-1986) sem sett var upp í Þjóðleikhúsinu í janúar 1966. Leikritið byggir á barnabókinni Músabörn í geimflugi eftir sama

Er svefn besta verkjalyfið?

Svefn er ein af grunnstoðum góðrar heilsu ásamt góðri næringu, hreyfingu og vellíðan. Þegar við sofum notar líkaminn tímann til að endurnýja sig og undirbúa okkur fyrir næsta dag. Svefn