Leikfélag Kópavogs: Þátttökumenning í 65 ár

Leikfélag Kópavogs var stofnað árið 1957 og er því elsta menningarfélag í Kópavogi. Árið 2007 flutti leikfélagið úr Félagsheimili Kópavogs í Funalind 2 sem var gjöf Kópvogsbæjar til félagsins á 50 ára afmæli þess. Við það tækifæri var gerður rekstrarsamningur við leikfélagið um rekstur leikhúss í Kópavogi fram til 2020. Allar götur síðan hefur Leikfélagið árlega sýnt 1-2 leiksýningar með þátttöku áhugafólks á öllum aldri, haldið leiklistanámskeið fyrir börn og fullorðna og auk þess verið með ýmiskonar smærri leikdagsskrár í gegnum árin. Þá hafa fjölmargir utanaðkomandi leikhópar og aðrir, fengið afnot af húsnæðinu fyrir leiksýningar, tónleika, danssýningar og aðra menningarviðburði. Þar að auki hefur Götuleikhús Kópavogs haft fast aðsetur í húsinu á sumrin, Leynileikhúsð verið með barna- og unglinganámskeið um nokkurra ára skeið og Kvikmyndaskóli Íslands nýtt húsið til  sýninga leiklistarbrautar auk þess sem fjölmargir kvikmyndagerðarmenn hafa tekið þar upp senur fyrir myndir sínar.

Þar sem Kópavogsbær hefur ákveðið að styrkja ekki lengur rekstur hússins gjörbreytir það eðlilega rekstrinum þar sem félagið hefur ekki lengur tryggar tekjur til að mæta föstum kostnaði við rekstur þess. Nú eru að koma kosningar og bindur leikfélagið vonir við það að nýir pólitískir stjórnendur Kópavogsbæjar hugi betur að grasrót menningar í bænum. Þátttökumenning í 65 ár þar sem öllum sem áhuga hafa á leiklist er gefin kostur á því að vinna í leikhúsi á sínum forsendum og fólk á öllum aldri verður ekki aðeins neytendur menningar heldur einnig þátttakendur.
Tryggjum rekstur þessa menningarhúss í Kópavogi til framtíðar. X-Leikhús í Kópavogi.
Stjórn Leikfélag Kópavogs.

Deildu:

Facebook
Twitter
Pinterest
LinkedIn

Fleiri fréttir

Niðurlagning Héraðsskjalasafns Kópavogs

Skaðræðisgjörningur bæjarstjórnar Kópavogs Bæjarstjórn Kópavogs ákvað á fundi sínum 25. apríl 2023 með sex atkvæðum meirihlutans gegn fimm atkvæðum minnihlutans að leggja niður Héraðsskjalasafn Kópavogs. Þar fetaði bæjarstjórnin í slóð

Hrönn Valgeirsdóttir, leikskólakennari og M.A. í foreldrafræðslu og uppeldisráðgjöf.

Mikill áhugi á fræðslukvöldum fyrir foreldra

Foreldrum og forsjáraðilum leikskólabarna í Kópavogi stendur til boða að mæta á fræðslukvöld þar sem fjallað er um uppeldishætti, að setja mörk og ábyrgð og líðan foreldra. Fyrsti fundurinn var

Stórskemmtileg leiksýning fyrir yngstu kynslóðina

Leikfélag Kópavogs sýnir um þessar mundir barnaleikritið Ferðin til Limbó eftir Ingibjörgu Jónsdóttur (1953-1986) sem sett var upp í Þjóðleikhúsinu í janúar 1966. Leikritið byggir á barnabókinni Músabörn í geimflugi eftir sama

Er svefn besta verkjalyfið?

Svefn er ein af grunnstoðum góðrar heilsu ásamt góðri næringu, hreyfingu og vellíðan. Þegar við sofum notar líkaminn tímann til að endurnýja sig og undirbúa okkur fyrir næsta dag. Svefn