Lísa ráðin forstöðumaður Bókasafns Kópavogs

Lísa Zachrison Valdimarsdóttir hefur verið ráðin forstöðumaður Bókasafns Kópavogs. Starfið var auglýst laust til umsóknar síðla febrúar og sóttu 32 um starfið. Tveir drógu umsókn sína til baka.

Lísa er með BA próf í bókasafns- og upplýsingafræði frá HÍ, MSc próf í bókasafns- og upplýsingafræði frá Simmons College í Boston og MSc próf í mannauðsstjórnun frá HÍ. Auk þess er hún með kennsluréttindi í félagsgreinum.

Lísa hefur tæplega 20 ára starfsreynslu á bókasöfnum m.a. sem deildarstjóri á Bókasafni Kópavogs og síðast sem forstöðumaður bókasafns – og upplýsingaþjónustu Listaháskóla Íslands í tæp sjö ár, en safnið er stærsta listbókasafn landsins staðsett á þremur stöðum í Reykjavík.

Lísa tekur við starfinu af Hrafni A. Harðarsyni sem gegnt hefur stöðu forstöðumanns Bókasafns Kópavogs um langt árabil. Hann lætur nú af störfum fyrir aldurs sakir.

Bókasafn Kópavogs tilheyrir Listhúsi Kópavogs en þar innanborðs eru einnig Salurinn, Gerðarsafn, Náttúrufræðistofa Kópavogs, Héraðsskjalasafn Kópavogs og Tónlistarsafn Íslands. Öll starfa þessi menningarhús samkvæmt menningarstefnu Kópavogsbæjar og er stefnt að enn nánara samstarfi þeirra í millum á næstu mánuðum og misserum.

Deildu:

Facebook
Twitter
Pinterest
LinkedIn

Fleiri fréttir

Þúsundir íbúða í nýjum lífsgæðakjarna í Kópavogi

Áform um uppbyggingu hjúkrunarrýma og íbúða á Gunnarshólma Loftmynd af svæðinu Bæjarráð Kópavogs hefur samþykkt að vísa áfram til samþykktar bæjarstjórnar drögum að viljayfirlýsingu við Aflvaka þróunarfélag um uppbyggingu 5.000

Kársnesskóla skipt í tvo skóla

Kársnesskóla verður skipt upp í tvo sjálfstæða skóla á skólaárinu 2024 til 2025 samkvæmt tillögu menntasviðs Kópavogsbæjar sem samþykkt hefur verið í bæjarstjórn Kópavogs. Lagt er til að skólanum verði

Jólatónleikar Samkórs Kópavogs

Samkór Kópavogs syngur inn aðventuna á sínum árlegu jólatónleikum sunnudaginn 3. desember n.k. Tónleikarnir verða í Digraneskirkju og hefjast kl. 17:00. Einsöngvari með kórnum að þessu sinni er tenórsöngvarinn Gunnar