Ljóðasamkeppni

Jón úr Vör. Mynd: Kópavogsbær.

Samkeppnin um ljóðstaf Jóns úr Vör er nú haldin í sextánda sinn, en Ljóðstafurinn hefur verið afhentur á fæðingardegi Jóns, 21. janúar, frá árinu 2002. Verðlaunin eru vegleg, 300 þúsund króna peningaverðlaun, auk verðlaunagrips til eignar. Að auki varðveitir vinningshafinn sömuleiðis farandgripinn Ljóðstaf Jóns úr Vör, sem var smíðaður úr göngustaf skáldsins. Peningaverðlaun eru sömuleiðis veitt fyrir 2. og 3. sætið.

„Við finnum það glöggt að þessi keppni skiptir máli. Þarna stíga fram skáld sem annars hefðu kannski ekki tekið til máls. Það er ákveðið frelsi fólgið í því að geta sent inn nafnlausan texta og vita að ekki kemst upp um skáldið nema það sé metið þess vert að fá verðlaun eða viðurkenningu,“segir Arndís Þórarinsdóttir, deildarstjóri á Bókasafni Kópavogs, sem er ein þeirra sem heldur utan um framkvæmd keppninnar.

Arndís segir það gleðilegt hvað Kópavogsbær sinni ljóðlistinni með myndarlegum hætti. „Í bænum er haldin ljóðahátíð í kringum afhendinguna og þar er fjölbreytt dagskrá þar sem ætti að vera eitthvað fyrir alla.“ Ljóðahátíðin Dagar ljóðsins mun hefjast 13. janúar næstkomandi og standa til 21. janúar.

„Svo stendur nú yfir ljóðasamkeppni grunnskólanna í Kópavogi, en verðlaunin í henni eru afhent um leið og Ljóðstafurinn er afhentur. Það er gríðarlega mikilvægt fyrir nemendur að fá að prófa þann leik með tungumálið sem ljóðagerð býður þeim upp á og getur sömuleiðis verið þeim mikil hvatning að fá viðurkenningu fyrir þær tilraunir. Þetta er hluti af því að ala upp nýja kynslóð skálda.“

Deildu:

Facebook
Twitter
Pinterest
LinkedIn

Fleiri fréttir

Kópavogsblaðið komið út

Stolt Kópavogs eru á forsíðu Kópavogsblaðsins að þessu sinni. Karlalið Breiðabliks er komið í riðlakeppni Sambandsdeildar Evrópu eftir að hafa slegið út Struga frá Norður-Makedóníu. Blikar leika sex leiki í

Mygla hjá velferðarsviði

Velferðarsvið Kópavogsbæjar er ekki lengur með starfsemi í Fannborg 6. Slæm loftgæði eru í húsinu sem haft hefur áhrif á starfsfólk hússins og sýna nýjustu mælingar há gildi myglugróar. Því

Stuð á Hamraborg Festival

Hamraborg Festival fór fram í lok ágúst í Hamraborg og í menningarhúsunum í Kópavogi, en Hamraborg Festival er þverfagleg hátíð með sérstakri áherslu á myndlist, staðbundin verk, gjörningalist og samfélagslega

Króníkan opnar í Gerðarsafni

Veitingastaðurinn Króníkan opnaði í sumar í Gerðarsafni. Samningur við nýjan rekstraraðila var undirritaður 11.maí, á afmælisdegi Kópavogsbæjar. Bragi Skaftason og Sigrún Skaftadóttir, systkini úr Vesturbæ Kópavogs, hafa tekið reksturinn að sér