Lögin hennar Öddu Örnólfs og fleiri dægurperlur í Salnum

Söngkonan Ragnhildur Þórhallsdóttir er dóttir Öddu Örnólf og ólst upp við lög eins Nótt í Atlavík, Vorkvöld, Bjarni og nikkan. Nú flytur hún lögin hennar og önnur dægurlög, ásamt Einari Clausen og danshljómsveit í Salnum þann 19. október.

Dagskráin er byggð á dægurlögum sem voru vinsæl um miðbik síðustu aldar og eru enn í dag.   Ragnhildur Þórhallsdóttir, dóttir Öddu, og Einar Clausen syngja lög sem voru  vinsæl í flutningi Öddu Örnólfs og Ólafi Briem. Einnig verða flutt lög Alfreðs Clausen og fleiri dægurperlur sem einkenndu blómlegt tónlistarlíf þessa tíma. Má þar nefna lög eins og Nótt í Atlavík (Í Hallormsstaðaskógi),  Bjarni og nikkan, Vorkvöld, Manstu gamla daga og Á morgun. Mörg þessara laga söng Ragnhildur, í ágúst í fyrra fyrir fullu húsi á tónleikum í Háteigskirkju  í Reykjavík í tilefni 60 ára söngafmælis Öddu. Einstakt tækifæri til að heyra lifandi flutning á lögum sem heyrast allt of sjaldan.

 

Hljómsveit:

Ragnhildur Þórhallsdóttir, sópran

Einar Clausen, tenór

Grímur Helgason, Klarinett

Lilja Eggertsdóttir, píanó

Þórður Högnason, kontrabassi

Guðbjörg Sigurjónsdóttir, harmonikka

Nánar á salurinn.is