Hin Finnska Suvi Mikkonen, sem er ein allra fremsta Taekwondo-kona heims, og þjálfari hennar, Jesus Ramala, komu í heimsókn til landsins og voru með æfingarbúðir fyrir Taekwondodeild HK á dögunum. Suvi hefur unnið marga titla á stórum Evrópumótum og Ólympíuleikunum. Öllum Taekwondo iðkendum HK og öðrum Taekwondo félögum landsins var boðið að taka þátt í æfingabúðunum.
Æfingahelgin heppnaðist mjög vel, en rúmlega 110 iðkendur mættu og fylltu íþróttahús Snælandsskóla. Jákvæð og skemmtileg stemming einkenndi andann þar sem yngri og eldri iðkendur tókust á við leik og fjölbreytilegar æfingar, ásamt uppbyggilegum umræðum. Meistari Sigursteinn Snorrason hélt faglega utan um alla umgjörð ásamt flottum svartbeltingum sem sáu um túlkun og hjálpuðust á við að aðstoða þau yngstu.
Það er mikil gróska í Taekwondo deild HK sem stækkar jafnt og þétt á milli ára. Deildin er ung en býr yfir miklum krafti frábæra iðkanda, góðum stuðning foreldra sem standa þétt við starfið. Æfingar fara fram á þrem stöðum í kóparvogi: íþróttahúsi Snælandsskóla, íþróttahúsi Kór og íþróttahúsi Digranesskóla.
Nánari upplýsingar:
www.hk.is
