Myndavefur Kópavogs kominn í loftið

Myndavefur Kópavogs hefur verið opnaður. Á honum er að finna gamlar myndir og myndskeið úr Kópavogi sem sýna bæinn á ýmsum tímum. Afmælisnefnd Kópavogs sem sett var á laggirnar í tilefni sextugsafmælis bæjarins 2015 ýtti verkefninu úr vör og hefur verið unnið að undirbúningi þess frá því á síðasta ári. 

Myndirnar sem nú eru gerðar aðgengilegar á vefnum koma að mestu úr safni Héraðsskjalasafns Kópavogs. Áfram verður unnið að því að bæta við myndum á vefinn og gera hann þannig efnisríkari.

„Það er ánægjulegt að vefurinn sé kominn í loftið, myndirnar sýna svo glöggt þá miklu breytingu sem Kópavogur hefur gengið í gegnum frá því að þéttbýlismyndum hófst hér á fjórða áratugnum. Þarna eru myndir af margvíslegu tagi sem er gaman að skoða enda segja myndirnar merkilega sögu,“ segir Ármann Kr. Ólafsson bæjarstjóri Kópavogs.

Notendur vefsins geta sent inn athugasemdir um myndirnar og þannig bætt við upplýsingum um fólk og staði.

Hér má skoða myndavef Kópavogsbæjar

Bent er á að á vefnum hefur verið sett saman sögusýning þar sem saga Kópavogs frá 1940 til ársins 2003 er sögð í myndum, hana er að finna á forsíðunni undir hnappnum skoða sögu.

Deildu:

Facebook
Twitter
Pinterest
LinkedIn

Fleiri fréttir

Grindvíkingar í Kópavogsbúið

Ásdís Kristjánsdóttir, bæjarstjóri Kópavogs, afhenti Fannari Jónassyni, bæjarstjóra Grindavíkur lykla að íbúðum í gamla Kópavogsbúinu við hátíðlega viðhöfn miðvikudaginn 10. júlí en íbúðirnar verða til afnota fyrir eldra fólk úr

Guðmundur Ingi Guðbrandsson, formaður VG og félags- og vinnumarkaðsráðherra.

Ert þú í tengslum?

Aðsent Ert þú í tengslum? Guðmundur Ingi Guðbrandsson, formaður VG og félags- og vinnumarkaðsráðherra. Félagsleg einangrun er vaxandi vandamál í nútímasamfélagi og rannsóknir sýna að til mikils er að vinna

Pikka upp dósir í Kópavogi

Nú geta íbúar Kópavogs sem vilja styrkja iðkendur íþróttafélaga með dósapening skráð sig á Pikka.is og látið iðkendur koma eftir pöntun að sækja hjá sér dósirnar. Hér áður fyrr var það algengt

Niðurlagning Héraðsskjalasafns Kópavogs

Skaðræðisgjörningur bæjarstjórnar Kópavogs Bæjarstjórn Kópavogs ákvað á fundi sínum 25. apríl 2023 með sex atkvæðum meirihlutans gegn fimm atkvæðum minnihlutans að leggja niður Héraðsskjalasafn Kópavogs. Þar fetaði bæjarstjórnin í slóð