Veitingastaðurinn Nam hefur verið opnaður að Nýbýlavegi 6 í Kópavogi. Nam býður nútíma, asíska matargerð og leggur áherslu á frumlegan, ferskan og fallegan mat sem er undir áhrifum frá Austur-Asíu.
Eigendur Nam eru þeir Einar Örn Einarsson og Emil Helgi Lárusson, sem hafa slegið í gegn með mexíkanska veitingastaðnum Serrano.
Á Íslandi eru nú níu Serrano staðir og í Svíþjóð hafa þeir félagar opnað átta svipaða staði, undir nafninu Zocalo.
Emil Helgi Lárusson; framkvæmdastjóri Nam, segir að með Nam séu þeir félagar að opna asískan stað af því tagi sem þeim sjálfum langar til að sækja.
Frumlegan og nýstárlegan stað sem byggir á asískri matarhefð og úrvals, íslensku hráefni, þar sem máltíðin er á hagstæðu verði sem stenst allan samanburð við hversdagslegri veitingastaði.”
Hönnun staðarins hefur vakið athygli en hönnunarstofan HAF sem rekin er af Hafsteini Júlíussyni og Karitas Sveinsdóttur sá um alla hönnun á staðnum. Þau Hafsteinn og Karitas hafa hannað marga athyglisverða staði undanfarið og eiga sífellt meiri velgengni að fagna. Hafsteinn Júlíusson, hönnuður hjá Hafstúdíó segist hafa viljað ná fram ferskum, asískum áhrifum í hönnun staðarins:
Það fer ekki fram hjá neinum að þetta er asískur staður, en við náum því fram án þess að styðjast við algengar og þreyttar klisjur í þeim efnum. Efniviður er íslenskur og eru innréttingar og húsgögn meira og minna smíðuð hérlendis eftir okkar fyrirmælum. Nam hefur því yfir sér ferskan og fallegan blæ sem er bæði nútímalegur og léttur, en samt sem áður með skýra vísun í austur asískann uppruna.“
Nam er að Nýbýlavegi 6 í Kópavogi og er opinn alla daga frá 10 til 23.
