Ármann Kr. Ólafsson, bæjarstjóri, hefur lagt til við Illuga Gunnarsson, mennta- og menningarmálaráðherra, að Náttúruminjasafn Íslands verði í Kópavogi og sameinist Náttúrufræðistofu Kópavogs undir sama þaki. Þetta kemur fram í Morgunblaðinu í dag.
Fleiri sveitarfélög á höfuðborgarsvæðinu hafa lýst yfir áhuga á að hýsa Náttúruminjasafnið. Ásgerður Halldórsdóttir, bæjarstjóri á Seltjarnarnesi, hefur lýst því yfir að hún telji safnahúsið á Seltjarnarnesi, sem upphaflega átti að hýsa Lækningaminjasafn, henti vel undir Náttúruminjasafn Íslands.
