Nóttin var sú ágæt ein

Kópavogur á listamenn í flestum heimshornum og sveitarfélögum landsins. Einn þeirra er Vignir Rafn Valþórsson, sem er mörgum bæjarbúum kunnur. Hann leikstýrir nú leiksýningunni Nóttin var sú ágæt ein, jólasýningu fyrir fullorðna (alls ekki fyrir börn!), í uppsetningu leikfélagsins Óskabörn Ógæfunnar.

Leikfélagið Óskabörn Ógæfunnar frumsýnir leiksýninguna Nóttin var sú ágæt ein, jólasýningu fyrir fullorðna. (alls ekki fyrir börn!)
Leikfélagið Óskabörn Ógæfunnar frumsýnir leiksýninguna Nóttin var sú ágæt ein, jólasýningu fyrir fullorðna. (alls ekki fyrir börn!)

Höfundur verksins er Anthony Neilson (Penetreitor, Ófagra veröld) en verkið kallast á frummáli The Night Before Christmas.

Verkið fjallar í stuttu máli um tvo félaga sem góma innbrotsþjóf á aðfangadagskvöldi, klukkutíma fyrir jól. Þjófurinn heldur því statt og stöðugt fram að hann sé raunverulegur jólasveinn. Þeir halda honum föngnum til að draga hann til ábyrgðar fyrir það sem komið hefur fyrir jólin. Að hátíð ljóss og friðar sé orðin hátíð græðgi og sýndarmennsku. Það fara þó að renna á þá tvær grímur þegar líður á kvöldið og ýmislegt sem þeir geta ekki útskýrt fer að koma upp á yfirborðið.

Sýningin, sem sýnd er í Tjarnarbíói, er aðeins rétt rúmur klukkutími að lengd. Hún er tilvalin fyrir þá sem vilja taka sér örlitla upplyftingu frá jólaamstrinu, að ekki sé talað um þá sem eru komnir með uppí kok af þessu „jólakjaftæði“.

Miðaverð fer eftir því í hvaða tekjuflokk fólk er: 2000 fyrir lágtekjufólk, 3000 fyrir millitekjufólk og 5000 fyrir hátekjufólk.  Áhorfendur velja í hvaða flokk það setur sig.

Aðstandendur sýningarinnar eru:

leikarar: Benedikt Karl Gröndal, Davíð Freyr Þórunnarson, Kári Viðarsson og Svandís Dóra Einarsdóttir.

Þýðing og staðfæring; Hjörtur Jóhann Jónsson og Vignir Rafn Valþórsson.

Frumsýnt er 11.des. og sýnt reglulega fram að jólum.

Miða er hægt að nálgast á tjarnarbio.is, á midi.is eða í síma: 5272100

Deildu:

Facebook
Twitter
Pinterest
LinkedIn

Fleiri fréttir

Stórskemmtileg leiksýning fyrir yngstu kynslóðina

Leikfélag Kópavogs sýnir um þessar mundir barnaleikritið Ferðin til Limbó eftir Ingibjörgu Jónsdóttur (1953-1986) sem sett var upp í Þjóðleikhúsinu í janúar 1966. Leikritið byggir á barnabókinni Músabörn í geimflugi eftir sama

Er svefn besta verkjalyfið?

Svefn er ein af grunnstoðum góðrar heilsu ásamt góðri næringu, hreyfingu og vellíðan. Þegar við sofum notar líkaminn tímann til að endurnýja sig og undirbúa okkur fyrir næsta dag. Svefn