Ný markmið, nýjar leiðir og nýtt hlutverk fyrir Nýbýlaveg og Auðbrekku

Auðbrekkusvæðið í Kópavogi fær nýja ásýnd og nýtt hlutverk þegar skipulag svæðisins verður tekið til endurskoðunar, að því er segir í tilkynningu frá Kópavogsbæ. Svæðið, sem afmarkast af Nýbýlavegi og Hamraborg, er skilgreint sem þróunarsvæði í Aðalskipulagi Kópavogs 2012-2024.

Haustið 2014 var efnt til hugmyndasamkeppni á vegum Kópavogsbæjar og Lundar fasteignafélags ehf. um framtíðarmöguleika Auðbrekkusvæðisins. Markmiðið var að fá tillögur fagmanna að því hvernig hverfið, sem er afar miðsvæðis á höfuðborgarsvæðinu, getur breytt um ásýnd og fengið nýtt hlutverk.

ASK arkitektar voru hlutskarpastir í hugmyndasamkeppninni en í hugmyndum ASK eru gerðar tillögur að mögulegu skipulagi svæðisins með blandaða byggð atvinnu- og íbúðarhúsnæðis. Hugmyndir ASK náðu þannig best þeim markmiðum sem lagt var upp með að mati rýnihóps, sem skipaður var starfsmönnum skipulags- og byggingardeildar bæjarins og fasteignafélagsins Lundar ehf. Lundur fasteignafélag ehf. er stærsti fasteignaeigandi á svæðinu og því varð hugmyndasamkeppnin til í samstarfi félagsins og Kópavogsbæjar. „Í nýjum hugmyndum um svæðið er meðal annars fyrrum athafnasvæði Toyota tekið til gagngerrar endurskoðunar. Hér mun verða til spennandi hverfi þar sem fléttast saman íbúabyggð og atvinnusvæði. Breytingin er þegar hafin eins og sést á Nýbýlavegi þar sem sprottið hafa upp verslanir og veitingastaðir en í væntanlegu deiliskipulagi munum við taka skrefið enn lengra. Í Auðbrekkunni munu til dæmis verða til íbúðir í fyrrum atvinnuhúsnæði, þar sem er hátt til lofts og vítt til veggja, líkt og þekkist í mörgum borgum erlendis,“ segir Ármann Kr. Ólafsson, bæjarstjóri Kópavogsbæjar.

Næsta skref í framtíðarmótun svæðisins við Nýbýlaveg og Auðbrekku er að kynna niðurstöður hugmyndasamkeppninnar fyrir íbúum og hagsmunaaðilum á svæðinu. Efnt verður til fundar með þeim í janúar þar sem farið verður yfir hugmyndir ASK arkitekta og drög að skipulagslýsingu fyrir svæðið kynnt. Að loknum þeim fundi getur vinna við nýtt deiliskipulag svæðisins hafist.

Samkeppnin og þær tillögur sem þar komu fram verða öflugur hugmyndabanki fyrir áframhaldandi vinnu við skipulag svæðisins sem unnið verður í góðu samstarfi við alla hagsmunaðila og íbúa.

Auk ASK arkitekta voru valdar til þátttöku í hugmyndasamkeppninni arkitektastofunar H3, KRark, Apparat, T.ark og Yrki. Allar stofurnar skiluðu vel útfærðum en afar ólíkum hugmyndum um framtíð svæðisins.

Yfirlitsmynd af hverfinu.
Yfirlitsmynd af hverfinu.

Deildu:

Facebook
Twitter
Pinterest
LinkedIn

Fleiri fréttir

Niðurlagning Héraðsskjalasafns Kópavogs

Skaðræðisgjörningur bæjarstjórnar Kópavogs Bæjarstjórn Kópavogs ákvað á fundi sínum 25. apríl 2023 með sex atkvæðum meirihlutans gegn fimm atkvæðum minnihlutans að leggja niður Héraðsskjalasafn Kópavogs. Þar fetaði bæjarstjórnin í slóð

Hrönn Valgeirsdóttir, leikskólakennari og M.A. í foreldrafræðslu og uppeldisráðgjöf.

Mikill áhugi á fræðslukvöldum fyrir foreldra

Foreldrum og forsjáraðilum leikskólabarna í Kópavogi stendur til boða að mæta á fræðslukvöld þar sem fjallað er um uppeldishætti, að setja mörk og ábyrgð og líðan foreldra. Fyrsti fundurinn var

Stórskemmtileg leiksýning fyrir yngstu kynslóðina

Leikfélag Kópavogs sýnir um þessar mundir barnaleikritið Ferðin til Limbó eftir Ingibjörgu Jónsdóttur (1953-1986) sem sett var upp í Þjóðleikhúsinu í janúar 1966. Leikritið byggir á barnabókinni Músabörn í geimflugi eftir sama

Er svefn besta verkjalyfið?

Svefn er ein af grunnstoðum góðrar heilsu ásamt góðri næringu, hreyfingu og vellíðan. Þegar við sofum notar líkaminn tímann til að endurnýja sig og undirbúa okkur fyrir næsta dag. Svefn