Nýr leikskóli vígður við Austurkór

KopLeiks012014
Aðalsteinn Jónsson, formaður leikskólanefndar, Manuela Þrá, Ármann Kr. Ólafsson bæjarstjóri, Hlynur Breki og Ómar Stefánsson, varaformaður bæjarráðs, klippa vígsluborðann.

Leikskólinn Austurkór í Kópavogi var vígður um helgina. Leikskólinn er um 870 fermetrar að stærð og ráðgert er að þar verði sex deildir og 120 leikskólabörn. Leikskólinn er í Austurkór 1 og tekur á móti leikskólabörnum í nærliggjandi hverfum. Guðný Anna Þóreyjardóttir er leikskólastjóri. Fyrstu börnin byrja í leikskólanum um miðjan febrúar, segir í tilkynningu frá Kópavogsbæ.

Guðný Anna Þóreyjardóttir. leikskólastjóri.
Guðný Anna Þóreyjardóttir. leikskólastjóri.

Ármann Kr. Ólafsson, bæjarstjóri, færði skólanum spjaldtölvu að gjöf, fyrir hönd bæjarstjórnar, en í stefnu bæjarins í upplýsingatækni leikskóla er lögð áhersla á gott aðgengi leikskólabarna að nútímatækni. Aðalsteinn Jónsson, formaður leikskólanefndar, færði skólanum heimskort að gjöf, fyrir hönd leikskólanefndar og menntasviðs.

Fyrsta skóflustungan að skólanum var tekin í desember 2012 og sá verktakafyrirtækið Eykt um hönnun og byggingu leikskólans. Kostnaður nam um 307 milljónum króna.

Austurkór er annar leikskólinn frá því bankakerfið hrundi árið 2008 sem byggður er á landinu. Hinn fyrri var byggður nýverið í Garðabæ. Í fjárhagsáætlun Kópavogsbæjar fyrir þetta ár er gert ráð fyrir fjármagni til að hanna nýjan leikskóla í Gulaþingi.

Með Austurkór er 21 leikskóli í Kópavogi en auk þess eru í bænum tveir einkareknir leikskólar. Yfir 2.000 börn eru í leikskólum í Kópavogi.

Deildu:

Facebook
Twitter
Pinterest
LinkedIn

Fleiri fréttir

Stórskemmtileg leiksýning fyrir yngstu kynslóðina

Leikfélag Kópavogs sýnir um þessar mundir barnaleikritið Ferðin til Limbó eftir Ingibjörgu Jónsdóttur (1953-1986) sem sett var upp í Þjóðleikhúsinu í janúar 1966. Leikritið byggir á barnabókinni Músabörn í geimflugi eftir sama

Er svefn besta verkjalyfið?

Svefn er ein af grunnstoðum góðrar heilsu ásamt góðri næringu, hreyfingu og vellíðan. Þegar við sofum notar líkaminn tímann til að endurnýja sig og undirbúa okkur fyrir næsta dag. Svefn