Nýr meirihluti í bæjarstjórn

Ásdís Kristjánsdóttir, oddviti Sjálfstæðisflokksins, verður bæjarstjóri í meirihluta Sjálfstæðisflokks og Framsóknarflokks. Orri Hlöðversson, oddviti Framsóknarflokks, verður formaður bæjarráðs.

Meirihlutinn var kynntur í Gerðarsafni fimmtudaginn 26.maí og skrifað undir málefnasamning samstarfsins.

Flokkarnir munu skipta með sér embætti forseta bæjarstjórnar á tímabilinu. 

Flokkarnir, sem mynduðu einnig meirihluta á síðasta kjörtímabili, eru með sex af ellefu bæjarfulltrúum í bæjarstjórn Kópavogs.

Fyrsti fundur nýrrar bæjarstjórnar verður þriðjudaginn 14.júní. Við það tækifæri er kosið í ráð og nefndir bæjarfélagsins.