Nýr menntaskóli, nýtt íþróttahús

Karen Elísabet Halldórsdóttir.

Fyrir bæjarráði liggur fyrir beiðni frá skólanefnd Menntaskólans í Kópavogi. Þar benda þau réttilega á að mikil aðsókn er á íþróttaafreksbraut skólans. Óskin er að skoða möguleika á íþróttahúsi fyrir nemendur. Það er ánægjulegt að sjá hversu mikill áhugi ungmenna er á námsbrautinni. Samþykkt var á fundi að kalla eftir umsögn umhverfissvið á staðsetningu íþróttahúss, en einnig var samþykkt að fela menntasviði að koma með umsögn á þörf á öðrum menntaskóla í Kópavogi. Kópavogsbúum fjölgar jafnt og þétt og má áætla að ekki mörg ár líði þar til að við teljum 50 þúsund. Framundan eru þéttingarverkefni  innan Kópavogs til dæmis í kringum Hamraborg, seinni hluti Glaðheima, í efri Hvörfum og Vatnsendahlíð.

Áhugi á afreksbrautinni kemur ekki á óvart. Sífellt fleiri stefna á tækifæri til þess að komast jafnvel í atvinnumennsku í sinni íþrótt. Kópavogsbær hefur ávallt stutt vel við bakið á íþróttafélögum í bænum og leggur mikið upp úr mikilvægu forvarnarstarfi sem félögin veita með sinni starfsemi. Afreksstefna þeirra skiptir einnig máli fyrir þá sem sjá möguleika í sinni framtíð að stunda íþróttir að atvinnu. Íþróttahúsin okkar eru fullsetinn og má því með réttu segja að þörfin á fleiri fermetrum til íþróttaiðkunar sé til staðar.

Einn menntaskóli í Kópavogi mun ekki anna náttúrulegri fjölgun í bænum, og þurfum við að taka til greina að ungmenni í Kópavogi þurfi ekki að ferðast langar leiðir til að sækja nám. Framhaldsskólanám var stytt í þrjú ár árið 2015 og minnkaði það álag á húsnæðiskost skólanna, en í ljósi fjölgunar mun þörfin fyrir fleiri skóla vera til staðar. Nauðsynlegt er að ná samtali við Menntamálaráðuneytið um að meta þessa þörf og þá líklega í efri byggðum Kópavogs sem myndi einnig þjóna hluta Reykjavíkur á því svæði. Því þrátt fyrir þéttingarstefnu sveitafélaganna er ljóst að byggðin mun teygja sig áfram í austurátt á næstu árum.

Deildu:

Facebook
Twitter
Pinterest
LinkedIn

Fleiri fréttir

Kópavogsblaðið komið út

Stolt Kópavogs eru á forsíðu Kópavogsblaðsins að þessu sinni. Karlalið Breiðabliks er komið í riðlakeppni Sambandsdeildar Evrópu eftir að hafa slegið út Struga frá Norður-Makedóníu. Blikar leika sex leiki í

Mygla hjá velferðarsviði

Velferðarsvið Kópavogsbæjar er ekki lengur með starfsemi í Fannborg 6. Slæm loftgæði eru í húsinu sem haft hefur áhrif á starfsfólk hússins og sýna nýjustu mælingar há gildi myglugróar. Því

Stuð á Hamraborg Festival

Hamraborg Festival fór fram í lok ágúst í Hamraborg og í menningarhúsunum í Kópavogi, en Hamraborg Festival er þverfagleg hátíð með sérstakri áherslu á myndlist, staðbundin verk, gjörningalist og samfélagslega

Króníkan opnar í Gerðarsafni

Veitingastaðurinn Króníkan opnaði í sumar í Gerðarsafni. Samningur við nýjan rekstraraðila var undirritaður 11.maí, á afmælisdegi Kópavogsbæjar. Bragi Skaftason og Sigrún Skaftadóttir, systkini úr Vesturbæ Kópavogs, hafa tekið reksturinn að sér