Nýtt húsnæði fyrir fatlaða í Kópavogi

Velferðasviði Kópavogsbæjar voru í dag afhentir lyklar að Austurkór 3 sem er íbúðakjarni fyrir fatlaða. Af því tilefni var opið hús og gafst gestum tækifæri til þess að skoða húsnæðið áður en því verður ráðstafað.

Í Austurkór eru sex íbúðir ásamt aðstöðu fyrir starfsmenn sem veita íbúum þjónustu allan sólarhringinn. Íbúarnir flytja í íbúðirnar í haust. Tekin var ákvörðun um uppbyggingu á búsetu með sólarhringsþjónustu fyrir allt að tíu einstaklinga árið 2012, í samræmi við samþykkta áætlun um búsetuúrræði hófust framkvæmdir þá þegar. Í september 2013 voru fjórar íbúðir í íbúðarkjarna á Kópavogsbraut afhentar og nú eru afhentar sex íbúðir. Að auki er fjórar þjónustuíbúðir í byggingu sem afhentar verða um miðbik næsta árs.

Gunnsteinn Sigurðsson formaður félagsmálaráðs Kópavogs greindi frá uppbyggingu á búsetuúrræðum í Kópavogi við vígslu hússins í dag. Ármann Kr. Ólafsson bæjarstjóri Kópavogs afhenti svo Guðlaugu Ósk Gísladóttur yfirmanni þjónustudeildar fatlaðra lykla að húsnæðinu. „Það er ánægjulegt að fá að afhenda þetta glæsilega hús sem er mikilvægur áfangi í félagsþjónstu bæjarins,“ sagði Ármann við tækifærið. Þess má geta að Austurkór 3 mun til haustsins verða heimili sex einhverfra einstaklinga á meðan húsnæði þeirra í Dimmuhvarfi verður endurbætt.

Þegar Kópavogsbær tók við málefnum fatlaðs fólks af ríkinu í ársbyrjun 2011 lá fyrir biðlisti 40 einstaklinga eftir húsnæði með sértækri þjónustu. Bæjarfélagið hóf strax vinnu við að tryggja þessu fólki nauðsynlegar úrbætur.

Tveir nýir þjónustukjarnar hafa verið teknir í notkun frá yfirfærslu, annar um sumarið 2011 og sá seinni haustið 2013. Framkvæmdir eru þegar hafnar að byggingu fjögurra nýrra íbúða auk þess sem lögð hefur verið fram 12 ára áætlun í húsnæðismálum fatlaðs fólks.

Sverrir Óskarsson, formaður skipulagsnefndar, Guðlaug Ósk Gísladóttir, yfirmaður þjónustudeildar fatlaðra, Ármann Kr. Ólafsson, bæjarstjóri, Jón Ingi Guðmundsson, deildarstjóri á umhverfissviði, Gunnsteinn Sigurðsson, formaður félagsmálaráðs og Aðalsteinn Sigfússon sviðsstjóri velferðarsviðs.
Sverrir Óskarsson, formaður skipulagsnefndar, Guðlaug Ósk Gísladóttir, yfirmaður þjónustudeildar fatlaðra, Ármann Kr. Ólafsson, bæjarstjóri, Jón Ingi Guðmundsson, deildarstjóri á umhverfissviði, Gunnsteinn Sigurðsson, formaður félagsmálaráðs og Aðalsteinn Sigfússon sviðsstjóri velferðarsviðs.

Deildu:

Facebook
Twitter
Pinterest
LinkedIn

Fleiri fréttir

Þúsundir íbúða í nýjum lífsgæðakjarna í Kópavogi

Áform um uppbyggingu hjúkrunarrýma og íbúða á Gunnarshólma Loftmynd af svæðinu Bæjarráð Kópavogs hefur samþykkt að vísa áfram til samþykktar bæjarstjórnar drögum að viljayfirlýsingu við Aflvaka þróunarfélag um uppbyggingu 5.000

Kársnesskóla skipt í tvo skóla

Kársnesskóla verður skipt upp í tvo sjálfstæða skóla á skólaárinu 2024 til 2025 samkvæmt tillögu menntasviðs Kópavogsbæjar sem samþykkt hefur verið í bæjarstjórn Kópavogs. Lagt er til að skólanum verði

Jólatónleikar Samkórs Kópavogs

Samkór Kópavogs syngur inn aðventuna á sínum árlegu jólatónleikum sunnudaginn 3. desember n.k. Tónleikarnir verða í Digraneskirkju og hefjast kl. 17:00. Einsöngvari með kórnum að þessu sinni er tenórsöngvarinn Gunnar