Ólafur kótilettumeistari 2018

Kótilettukeppnin sem fram fór á Hrafnistu í Reykjavík á dögunum var æsispennandi. Alþingismaðurinn, og fyrrverandi bæjarfulltrúi Kópavogs, Ólafur Þór Gunnarsson bar sigur úr býtum um hver gæti sporðrennt flestum kótilettum. Alls torgaði Ólafur 15 lettum og er hann því „Kótilettumeistari Hrafnistu 2018“. Eins og spáð hafði verið um reyndist erfitt að slá Hrafnistumet Birgis Viðarssonar, rafvirkja á Hrafnistu, sem gæddi sér á 19 kótilettum um árið.

Þessi mynd var tekin baráttan stóð sem hæst. Frá vinstri: Birgir Viðarsson, rafvirki hjá Hrafnistu, Ólafur Þór Gunnarsson alþingismaður og sigurvegari, Sighvatur Halldórsson, Gústaf Egilsson, pípari hjá Hrafnistu og Hjalti „Úrsus“ Árnason.

Sá sem atti mestu kappi við sigurvegara dagsins var Kiwanismaðurinn Sighvatur Halldórsson sem lauk keppni eftir 14 kótilettur og munaði því aðeins nokkrum munnbitum hjá honum og Ólafi Þór. Stjórnandi keppninnar var aflraunamaðurinn Hjalti „Úrsus“ Árnason.

Þjóðarréttur Hrafnistu

Kótiletturnar á Hrafnistu eru löngu þjóðþekktar enda reglulega bornar fram á helstu hátíðum heimilanna en einnig þegar góða gesti ber að garði. Til dæmis hefur lengi verið til siðs að nýr heilbrigðisráðherra hverju sinni komi í heimsókn og snæði kótilettur á Hrafnistu fljótlega eftir embættistöku. Hafa t.d. bæði Svandís Svavarsdóttir og Ásmundur Daði Einarsson, ráðherrar öldrunarmála, litið við í hádegisverð auk Ölmu Möller, sem sl. vor tók fyrst kvenna hér á landi við embætti landlæknis. Fleiri mætti nefna, svo sem Jón Kristjánsson, Ögmund Jónasson og Kristján þór Júlíusson, fyrrum ráðherra heilbrigðismála, og Dag B. Eggertsson borgarstjóra, en allir eiga gestirnir það sammerkt að minnast heimboðanna og kótilettanna með ánægju þegar endurfundir verða með starfsliði eða íbúum Hrafnistu.

Alls 4.200 kótilettur í dag

Að þessu sinni var blásið til veislunnar í tilefni afmælis Sjóamnnadagsráðs, eiganda Hrafnistuheimilanna, og voru hinar sígildu kótilettur í raspi með tilheyrandi meðlæti á boðstólum í hádeginu á öllum Hrafnistuheimilunum sex. Matreiðslumeistarar Hrafnistu höfðu fyrirfram gert ráð fyrir að í kringum eitt þúsund matarskammtar yrðu reiddir fram á Hrafnistuheimilunum. Talan reyndist mjög nærri lagi en alls voru um 4.200 kótilettur snæddar

Alls torgaði Ólafur 15 lettum og er hann því „Kótilettumeistari Hrafnistu 2018“.

Deildu:

Facebook
Twitter
Pinterest
LinkedIn

Fleiri fréttir

Stórskemmtileg leiksýning fyrir yngstu kynslóðina

Leikfélag Kópavogs sýnir um þessar mundir barnaleikritið Ferðin til Limbó eftir Ingibjörgu Jónsdóttur (1953-1986) sem sett var upp í Þjóðleikhúsinu í janúar 1966. Leikritið byggir á barnabókinni Músabörn í geimflugi eftir sama

Er svefn besta verkjalyfið?

Svefn er ein af grunnstoðum góðrar heilsu ásamt góðri næringu, hreyfingu og vellíðan. Þegar við sofum notar líkaminn tímann til að endurnýja sig og undirbúa okkur fyrir næsta dag. Svefn