Rokk og metall í Molanum

Þeir voru í þyngri kantinum tónarnir sem ómuðu í Molanum ungmennahúsi á sjálfri hrekkjavökunni. Þá komu saman nokkrar af betri og efnilegri  black metal og harðkjarna sveitum höfuðborgasvæðisins á sannkölluðum halloween tónleikum. Hljómsveitirnar sem stigu á stokk voru Cammino, Moronic, Blóðmör og Örmagna og héldu þær uppi þéttu prógrammi fyrir káta tónleikagesti. Tónleikarnir voru skipulagðir af ungmennum í Kópavogi með það að markmiði að leyfa ungu fólki að upplifa hávaðasama tónleika í miðri viku og einnig að sýna hvað metal senan hefur fram að færa.