Skáksveit Álfhólsskóla Norðurlandameistarar.

Skáksveit Álfhólsskóla varð í dag Norðurlandameistari barnaskólasveita á móti sem fram fór í Helsinki um helgina. Sveitin hlaut 15 af 20 vinningum. Í öðru sæti varð sveit Noregs og Danir náðu 3. sætinu.

Mótið var mjög spennandi og úrslit fengust ekki fyrr en í síðustu skákum síðustu umferðar. Álfhólsskóli gerði jafntefli 2-2 í 1. og 2. umferð mótsins við sveitir Noregs og Finnlands. Sveitin vann svo sveit Dana 3-1 í 3. umferð og vann loks bæði B sveit Finna og sveit Svía 4 -0 í umferðum 4 og 5.

Skáksveit Álfhólsskóla eru Norðurlandameistarar í skáklistinni.
Skáksveit Álfhólsskóla eru Norðurlandameistarar í skáklistinni.

 

Skáksveit Álfhólskóla skipuðu:

1. borð Dawid Kolka (4 vinninga af 5)

2. borð Felix Steinþórsson (4.5 vinninga af 5)

3. borð Guðmundur Agnar Bragason (3 vinninga af 5)

4. borð Oddur Þór Unnsteinsson (3.5 vinningar af 5)

Halldór Atli Kristjánsson var varamaður. Liðsstjóri liðsins og þjálfari er Lenka Ptácníková WGM

Álfhólsskóli hefur á síðustu árum lagt mikla áherslu á að bjóða nemendum skólans upp á skákkennslu og uppsker nú ríkulega. Skáksveit skólans varð Íslandsmeistari barnaskólasveita sl. 2 ár og er nú Norðurlandsmeistari eftir að hafa lent í 2. sæti mótsins á síðasta ári. Að baki þessum árangri er þrotlaus vinna þeirra barna og ungmenna sem sveitina skipa auk þjálfara þeirra bæði hjá Álfhólsskóla, Skákskóla Íslands og þeirra taflfélaga sem þeir tilheyra auk annarra aðila sem leggja á sig mikið ósérhlífið starf til að styrkja skákina á Íslandi. Í sveit Álfhólsskóla er mikill og góður efniviður og það verður nú áframhaldandi hlutverk skólans og Skáksambands Íslands að vinna áfram úr þessum efnilega hópi.

Frekari upplýsingar um mótið auk myndaalbúms er að finna á www.skak.is

Deildu:

Facebook
Twitter
Pinterest
LinkedIn

Fleiri fréttir

Niðurlagning Héraðsskjalasafns Kópavogs

Skaðræðisgjörningur bæjarstjórnar Kópavogs Bæjarstjórn Kópavogs ákvað á fundi sínum 25. apríl 2023 með sex atkvæðum meirihlutans gegn fimm atkvæðum minnihlutans að leggja niður Héraðsskjalasafn Kópavogs. Þar fetaði bæjarstjórnin í slóð

Hrönn Valgeirsdóttir, leikskólakennari og M.A. í foreldrafræðslu og uppeldisráðgjöf.

Mikill áhugi á fræðslukvöldum fyrir foreldra

Foreldrum og forsjáraðilum leikskólabarna í Kópavogi stendur til boða að mæta á fræðslukvöld þar sem fjallað er um uppeldishætti, að setja mörk og ábyrgð og líðan foreldra. Fyrsti fundurinn var

Stórskemmtileg leiksýning fyrir yngstu kynslóðina

Leikfélag Kópavogs sýnir um þessar mundir barnaleikritið Ferðin til Limbó eftir Ingibjörgu Jónsdóttur (1953-1986) sem sett var upp í Þjóðleikhúsinu í janúar 1966. Leikritið byggir á barnabókinni Músabörn í geimflugi eftir sama

Er svefn besta verkjalyfið?

Svefn er ein af grunnstoðum góðrar heilsu ásamt góðri næringu, hreyfingu og vellíðan. Þegar við sofum notar líkaminn tímann til að endurnýja sig og undirbúa okkur fyrir næsta dag. Svefn