Stærri og betri verslun Lindex í Smáralind

Albert og Lóa við opnun Lindex í Krossmóa, Reykjanesbæ í síðasta mánuði.

Framkvæmdum við stækkun verslunar Lindex í Smáralind lauk nýverið og mun stærri og endurbætt verslun hefur litið dagsins ljós.  Allar deildir Lindex hafa stækkað auk þess sem mátunarklefar hafa stækkað og þeir fluttir frá þeim stað sem þeir voru áður.  Þessu til viðbótar hefur orðið útlitsbreyting á versluninni sem tekur mið af nýrri innréttingahönnun Lindex. „Frá því Lindex hóf göngu sína hér í Smáralind árið 2011 hefur verið leitað leiða til þess að stækka verslunina og er því sérlega ánægjulegt nú að eiga tækifæri til að bæta þjónustuna með þessum hætti fyrir okkar viðskiptavini,“ segir Lóa Dagbjört Kristjánsdóttir, umboðsaðili Lindex á Íslandi. „Við erum mjög spennt að opna dyrnar í dag með nýju og endurbættu útliti auk þess að bæta verulega við í barna- og undirfatadeild og að fjölga til muna mátunarklefum.”

Breytingin felur í sér að hluti úr nýrri innréttingahönnun Lindex verslana lítur dagsins ljós. Skjáir og baklýstar myndir skipa veglegan sess í hönnuninni auk þess sem mátunarklefar gjörbreytast frá þeim sem áður prýddu verslunina.

Mátunarklefar taka miklum stakkaskiptum með nýrri innréttingahönnun.

Til viðbótar við þessar breytingar hefur netverslun Lindex opnað en hún gerir viðskiptavinum um land allt mögulegt að njóta vöruúrvals úr öllum deildum Lindex með sem stysta mögulega afhendingartima. „Það er ánægjulegt að geta sagt frá því að við munum opna netverslun á slóðinni lindex.is í næstu viku og erum við full tilhlökkunar að geta boðið okkar hagkvæmu tískuvörur í netverslun sem er á íslensku.  Það er því margt að gerast hjá okkur þessa dagana,” segir Lóa Dagbjört Kristjánsdóttir, umboðsaðili Lindex á Íslandi.

 

 

 

 

Deildu:

Facebook
Twitter
Pinterest
LinkedIn

Fleiri fréttir

Kópavogsblaðið komið út

Stolt Kópavogs eru á forsíðu Kópavogsblaðsins að þessu sinni. Karlalið Breiðabliks er komið í riðlakeppni Sambandsdeildar Evrópu eftir að hafa slegið út Struga frá Norður-Makedóníu. Blikar leika sex leiki í

Mygla hjá velferðarsviði

Velferðarsvið Kópavogsbæjar er ekki lengur með starfsemi í Fannborg 6. Slæm loftgæði eru í húsinu sem haft hefur áhrif á starfsfólk hússins og sýna nýjustu mælingar há gildi myglugróar. Því

Stuð á Hamraborg Festival

Hamraborg Festival fór fram í lok ágúst í Hamraborg og í menningarhúsunum í Kópavogi, en Hamraborg Festival er þverfagleg hátíð með sérstakri áherslu á myndlist, staðbundin verk, gjörningalist og samfélagslega

Króníkan opnar í Gerðarsafni

Veitingastaðurinn Króníkan opnaði í sumar í Gerðarsafni. Samningur við nýjan rekstraraðila var undirritaður 11.maí, á afmælisdegi Kópavogsbæjar. Bragi Skaftason og Sigrún Skaftadóttir, systkini úr Vesturbæ Kópavogs, hafa tekið reksturinn að sér