Stofnfundur Hollvinasamtaka Tónlistarskólans

ritstjorn

11/12/2013

Laugardaginn 30. nóvember síðastliðinn voru stofnuð Hollvinasamtök Tónlistarskóla Kópavogs.  Stofnfundurinn var haldinn í húsnæði Tónlistarskólans við Hamraborg.  Samþykktar voru samþykktir Hollvinasamtakanna og kosið í stjórn þeirra.  Í stjórn samtakanna sitja Bryndís Baldvinsdóttir, Linda  Margrét Sigfúsdóttir, Margrét Rósa Grímsdóttir, Laufey Dís Ragnarsdóttir og Guðríður Helgadóttir, til vara eru Þuríður E. Kolbeins og Hákon Sigurgrímsson.

Nýkjörin stjórn og varastjórn hollvinasamtaka Tónlistarskóla Kópavogs ásamt skólastjóra Tónlistarskólans, Árna Harðarsyni. Frá vinstri: Guðríður Helgadóttir, Bryndís Baldvinsdóttir, Hákon Sigurgrímsson, Árni Harðarson, Þuríður E. Kolbeins, Jóhanna Þormar (skoðunarmaður reikninga), Margrét Rósa Grímsdóttir, Ásdís Kristinsdóttir (skoðunarmaður reikninga) og Kristín Stefánsdóttir, aðstoðarskólastjóri Tónlistarskóla Kópavogs.

Markmið hollvinasamtakanna eru að styrkja og efla starfsemi Tónlistarskóla Kópavogs og stuðla að framgangi tónlistarmenntunar í samfélaginu.  Samtökin eru öllum opin og eru bæjarbúar, stofnanir, fyrirtæki og önnur félagasamtök hvött til að gerast hollvinir Tónlistarskólans.  Hollvinasamtökin eru á facebook www.facebook.com/Hollvinasamtok.Tonlistarskola.Kopavogs en einnig er hægt að senda samtökunum póst á netfangið hollvinasamtoktk@gmail.com til að gerast félagi.