Lista- og menningarráð gerir langtímasamning.

Lista- og menningarráð Kópavogs hefur gert þriggja ára samninga við listamennina Björn Thoroddsen gítarleikara og Pamelu De Sensi. Lista- og menningarsjóður styrkir þar með menningarviðburði sem þau hafa haft frumkvæði að, um samtals 3 milljónir króna á ári. Björn fær styrk til að halda jazz- og blúshátíð í Salnum í Kópavogi og Pamela til að halda Ormadaga, menningarhátíð barna, í samstarfi við menningar- og safnahús á Borgarholtinu.

Fremst eru: Pamela De Sensi, Karen E. Halldórsdóttir og Björn Thoroddsen. Fyrir aftan eru: Helga Reinhardsdóttir, Una Björg Einarsdóttir og Sveinn Sigurðsson úr lista- og menningarráði Kópavogs.
Fremst eru: Pamela De Sensi, Karen E. Halldórsdóttir og Björn Thoroddsen. Fyrir aftan eru: Helga Reinhardsdóttir, Una Björg Einarsdóttir og Sveinn Sigurðsson úr lista- og menningarráði Kópavogs.

Karen E. Halldórsdóttir, formaður lista- og menningarráðs, segir að með þessu sé verið að gera listamönnunum kleift að undirbúa þessa viðburði betur fram í tímann. Jazz- og blúshátíð Kópavogs og Ormadagarnir hafa notið mikilla vinsælda undanfarin ár.

Jazz- og blúshátíðin er haldin að hausti með jafnt innlendum sem erlendum tónlistarmönnum. Næsta hátíð hefst fimmtudaginn 3.október. Ormadagarnir hafa verið haldnir á vorin. Tilgangur þeirra er að efla lista- og menningarfræðslu leik- og grunnskólabarna í Kópavogi. Þúsundir barna hafa tekið þátt í þeim undanfarin misseri.

Tugir listamanna fá styrk úr lista- og menningarsjóði á ári hverju en með því er verið að auðga lista- og menningarlífið í Kópavogi. Tekjur lista- og menningarsjóðs eru 0,5% af 6,7% útsvarsstofni.

Lista- og menningarráð fer með stjórn sjóðsins og eru fulltrúar ráðsins með listamönnunum á meðfylgjandi mynd.

Umræðan

Fleiri fréttir

Ársreikningur staðfestur

Bæjarstjórn Kópavogs staðfesti ársreikning ársins 2024 á fundi sínum 13.maí að lokinni síðari umræðu um ársreikninginn. Ársreikningurinn var lagður fram í bæjarráði Kópavogs fimmtudaginn 10.apríl og vísað til fyrri umræðu í

Nýtt dómsmál í 70 ára afmælisgjöf

Aðsent Bæjarstjórinn í Kópavogi fór mikinn og fagnaði 4,5 milljarða króna jákvæðri rekstrarniðurstöðu í ársreikningi bæjarins fyrir skemmstu og hældi sér af bestu niðurstöðu í heil 17 ár. Sú niðurstaða

Götuganga í sumarblíðu

Götuganga Virkni og vellíðan í Kópavogi fór fram mikilli veðurblíðu í dag. Gangan er nú haldin í þriðja sinn og tóku tæplega 300 þátt í göngunni sem hófst og lauk