Stúlknamót Breiðabliks, Símamótið, um helgina.


Efnileg knattspyrnukona á Kópavogsvelli. www.simamot.is

Efnileg knattspyrnukona á Kópavogsvelli. www.simamot.is

1.700 keppendur,  240 lið, 300 þjálfarar, 185 dómarar og óteljandi aðstandendur og sjálfboðaliðar verða á Fífuvellinum og í kringum Kópavogsvöll um helgina.  Það verður því margt um manninn þegar 29. stúlknamót Breiðabliks verður sett á morgun, föstudag, með pomp og prakt.  Fimmtíu fleiri lið en í fyrra taka nú þátt enda er íslenskur kvennabolti nú á mikilli uppleið eftir gríðarlega góðan árangur landsliðs okkar á EM. Keppni hefst að morgni föstudags. Setningarathöfnin verður á Kópavogsvelli klukkan 19.00. Fyrir hana verður gengið í fullum skrúða frá Digraneskirkju kl. 18.30.  Símamótið verður haldið í Kópavogi dagana 19-21. júlí. 

Nánari upplýsingar: http://simamotid.is/