Stuttmyndakeppni í Molanum, Hábraut 2, fimmtudaginn 17. júlí
Stuttmyndahátíð Molans, hátíð ungra kvikmyndagerðamanna, verður haldin í fyrsta sinn fimmtudaginn 17. júlí. Hátíðin er hluti af Skapandi Sumarstörfum í Kópavogi en verkefnið „Frá hugmynd að stuttmynd“, skipað þeim Birni Jóni Sigurðssyni og Elmari Þórarinssyni stendur fyrir hátíðinni.
Markmið hátíðarinnar er að virkja unga kvikmyndagerðarmenn og skapa vettvang fyrir þá að sýna verk sín. Hátíðin er í samstarfi við RIFF kvikmyndahátíð en allar stuttmyndir sem komast inn í Stuttmyndahátíð Molans verða sýndar á sérstakri “Off- venue” dagskrá RIFF í október, eða RIFF- Around Town
Hátíðin fer fram í Molanum, ungmennahúsi að Hábraut 2 í Kópavogi og hefst dagskrá klukkan 20. Kynnir hátíðarinnar verður Steiney Skúladóttir en dómnefnd skipa þau Gunnar B. Guðmundsson, Hilmar Guðjónsson og Valdís Óskarsdóttir.
Þátttakendur hátíðarinnar eru á ýmsum aldri og fást við ólíka kvikmyndagerð og því mega gestir búast við sannkallaðri kvikmyndaveislu næstkomandi fimmtudag. Aðgangur er ókeypis.
Það er von aðstandenda að áhorfendur fjölmenni á Suttmyndahátíð Molans.
