Sýning á ljósmyndum Hafdísar Bennett í safnaðarheimili Kópavogskirkju

Hafdís Bennett flutti ung að árum til Danmerkur, og síðar til Bretlands, þar sem hún settist að og hefur búið öll sín fullorðinsár. Hún hefur lagt stund á ýmis konar listform yfir árin, en þó aðallega myndhöggvun ásamt ljósmyndun. „Hugsanlega hefði ég orðið afkastameiri sem listakona hefði ég ekki alltaf unnið fyrst og fremst við fjölskyldufyrirtækið og hjálpað dóttur minni að koma á laggirnar hennar eigin fyrirtæki sem svo blómgaðist vel og varð þekkt tískufyrirtæki, LK Bennett,“ segir Hafdís. „Ég fann þó alltaf einhvern tíma til að vinna að áhugamálum mínum. Auk listmenntunar lærði ég að fljúga, fimmtug að aldri, og tókst að láta gamlan draum rætast sem var að fljúga til Íslands á eigin spýtur ásamt kunningakonu minni. Þetta urðu þrjár ógleymanlegar ævintýraferðir yfir hafið og hálendið.“  Óhætt er að fullyrða að Hafdís hafi lifað viðburðaríku lífi en ef marka má myndir hennar sem eru nú til sýnis í safnaðarheimili Kópavogskirkju hefur hugurinn ávalt reikað heim. Mótívið er landið í öðruvísi sjónarhorni en venja er.

Hafdís Bennett

„Hvað þessa sýningu varðar þá hraus mér hugur að fara í beina samkeppni við þá fjölmörgu afburða ljósmyndara sem efnt hafa til sýninga hér á landi. Því tók ég það ráð að líta landið frá aðeins öðruvísi sjónarhorni en venja er og beina athyglinni að hinu fjölbreytta formi, litum og áferð sem er að finna hér hvert sem litið er. Hraun, mosi, stuðlaberg, steinar, skófir, skriður, jafnvel grjót og þari á svörtum söndum. Allt er þetta svo einkennandi fyrir Ísland,“ segir Hafdís í kynningargrein um sýninguna.

Sýning Hafdísar stendur yfir í safnaðarheimili Kópavogskirkju til ágústloka.

Deildu:

Facebook
Twitter
Pinterest
LinkedIn

Fleiri fréttir

Stórskemmtileg leiksýning fyrir yngstu kynslóðina

Leikfélag Kópavogs sýnir um þessar mundir barnaleikritið Ferðin til Limbó eftir Ingibjörgu Jónsdóttur (1953-1986) sem sett var upp í Þjóðleikhúsinu í janúar 1966. Leikritið byggir á barnabókinni Músabörn í geimflugi eftir sama

Er svefn besta verkjalyfið?

Svefn er ein af grunnstoðum góðrar heilsu ásamt góðri næringu, hreyfingu og vellíðan. Þegar við sofum notar líkaminn tímann til að endurnýja sig og undirbúa okkur fyrir næsta dag. Svefn